1GB 基站
今日 3 香港介紹了 2016 年網絡發展方向，會以「三網匯聚」作主導。３香港流動網絡將會逐漸導入其 固定網絡 (和記環球電訊)，現時 3 香港嘅流動網絡基站會提升至 1Gbps 嘅連線，再轉為流動訊號，供手機、平板及 Pcoket WiFi 等使用，方便以後 4.5G 與 5G 嘅發展。唔知用緊 3 香港嘅服務網友，感唔感覺到上網速度快左？2300 + 900 開通
係 4G LTE 網絡方面，3 香港表示，會係今年年中，全港都會舖設 TD-LTE 2300 網絡，並以 20Mbps 頻寬提供服務，係熱門繁忙地點，更會提供 30Mbps 嘅頻寬。而３香港亦宣佈會係第二季完成把 5MHz 嘅 900 頻譜 (現作為 3G 網絡使用) 改為 4G LTE。900 比起 1800 嘅訊號，更易進入室內，所以你有一部支援 4G LTE (Band 8) 嘅手機，你會容易係屋企收到 3 香港 4G 訊號，用 VoLTE 打電話，或者上網。速度大約 20-30mbps。與此同時，3 香港表示，旗下嘅 WiFi 熱點，會由四月起，改由自家提供，會跟現時 Y5zone 網絡有所增刪。
▲ 3 香港現時已提供 2CC 1800 與 2600 合拼使用嘅 Carrier Aggregation 載波聚合，但其實網絡已預備好 3CC，即係 1800 + 2600 再加 TD-LTE 嘅 2300，個部機咪係 Samung Galaxy S7 同 S7 Edge 囉。
▲ 900 頻段改為 4G LTE 主要加強室內嘅覆蓋。
▲ 900 頻段改為 4G LTE，先在新界進行，第二季會包括全港地區。
▲ 3 香港今日亦表示，已在網絡測 IMS-Based 多裝置互動接連功能，即係類似 iOS 嘅 Hands Off，手機與電腦可以互聯使用，但 Apple Hands Off 需要同一個 WiFi 網絡，同一組 Apple ID 下進行，未來會由網絡商處理，用不同嘅 WiFi 也可以做到不同裝置互通互連。