無招勝有招?
講番正題，話說剛剛收到 3 香港嘅新聞發佈，明顯想吸引學生上台。無法啦，csl. 玩到 $98 有 2.5GB 數據，無限 WiFi + 通話，仲要唔駛家長陪通都上到台。CMHK 玩免行政費，仲要用爆 Data 都唔係地獄速嘅無限上網，3HK 你有乜？實情係無，夾硬把一個家陣已有嘅 Plan 硬推俾學生。
舊 Plan 無變再推過
咁其實呢個 Plan，以上台 Plan 有分鐘，又有大量數據可以用嘅情況下，真係叫全城最抵。呢個 Plan 本來係 $88 ＋$18 行政費 ($106），包 5GB 384kbps 行 3G 嘅限速數據，仲要 3000 分鐘用。呢個本來係公價。但若果，你係有「學生證」、「長者證」或者肯唔收郵寄帳單，兼做埋「信用卡自動轉帳」咁，3 香港就會係合約期內 (一年)，每月減你 $10 月費，即係變左 $78 + $18 行政費 ($96)。若果你帶號上台，仲可以賺多每月 2GB 數據，即係每月 7GB 數據量。用晒嘅話，都會繼續俾你上網，速度就係 128kbps。其實呢，呢個 Plan 係 2015 年 11 月己推出架啦，舊 Plan 新賣，3HK 真係技窮。睇完呢到，即係話，呢個 Plan，人人可用，點指係學生？咁抵唔抵？好難講，百貨應百客，版主介紹 3 香港，多數俾人鬧，但我又實際兩星期前介紹朋友用呢個 Plan，可以肯定係再限速 128kbps 之前，係可以 Tethering，速度呢？唔會好似 CMHK 有驚喜，明明寫 384kbps 但會給你 500kbps 嘅情況，但朋友話，係市區港鐵線，繁忙時間都無 Load 空氣。呢 D Comment 信不信由你啦。
CMHK 限速 Plan 加送免費 WiFi
最後，點都要提多一個推介嘅! 就係中國移動香港 CMHK 嘅 Lite Data 限速計劃。呢個計劃，最近無加過價，都無減過價，但亮點係新上台通話分鐘已加到每月 2000，而唔駛每月再俾錢，都有免費 WiFi (採用 csl. WiFi 網)。而CMHK Lite Data，係可以用到 3G ／4G，無 FUP，真無限，最重要係寫就話 384kbps ，用過就知 500kbps 為實。數字上睇就好抵，實際好唔好用？就要問下網友了。
有關各台最近平價上網計劃嘅資料連結
3 香港限速 Plan 回歸! 平過 Sun Mobile、CMHK、 數碼通中國移動香港 CMHK 學生無限上網 Plan
csl. 再推無限上網 (1) (2)
csl. 學生 Plan