中聯通跨境王一卡兩號 SIM 上手！版主實測三步實名，5 分鐘搞掂！

左定坤 (Cho Ting Kwan) 2017-09-07 21:28 | 3 香港

最近因一些私人事需用到阿里巴巴，但用阿里巴巴就需用到大陸支付寶，而用大陸支付寶就需有個大陸銀行戶口。問題來了，如果你沒有一個可以在香港都收到中國 SMS 的一卡兩號 SIM，有時有些大陸軟件需要 SMS 驗證，這種情況就不太方便。所以，當中國聯通一話重推跨境王加強版，立即引起版主關注。之前就話缺貨買唔到，不過等左幾日，終於有得買了！版主就搶先買左張跨境王加強版，但唔搞實名係用唔到大陸號碼，於是就拿拿聲去聯通做實名，順便話俾大家知，整個實名手續會否好繁複。睇下文啦！



戴定頭盔先，版主是經特別途徑，才能買到這張價值 $138 的中國聯通跨境王加強版，而這張一卡兩號儲值卡，將於明日 (8／9) 才會陸續抵達各門市。呢張跨境王網店係無得買的，一定要親臨中國聯通門市，即場進行實名手續，才能購買。雖然我都唔想將個人資料上傳中央，但當你要用嘅時候，就無辦法啦，都要做㗎啦！

實名手續以為好複雜，原來好簡單，5 分鐘唔使即搞掂！

Step 1:
親臨任何一間中國聯通門市。



Step 2:
店員會叫你拎張身份證，之後會幫你填好一份叫做「就實施《電話用戶真實身份信息登記規定》及有關個人資料收集、轉移及披露的客戶同意書」，其實都無乜嘢寫，主要係填番你張 SIM 個電話號碼、持有人姓名同埋身份證號碼。



Step 3:
在第二頁畫番隻龜，咁就搞掂。



要注意一點，如果你要繳活中國聯通呢張跨境王 - 加強版，只需求其打通一個電話即可，你可以開 $68 / 500 / 30 日 Plan，或者 $48 / 300MB / 7 日 Plan，都得。可以免費聽電話，但如果打電話去中港兩地，就要收 $0.39 / 分鐘。呢點要提一提醒大家！不知今次跨境王一卡兩號 SIM 回歸，網友會唔會有衝動想買番張呢？