版主都拎咗張宣傳單張嚟睇，可以見到佢大大隻寫住 MO+ SIM，反轉單張背面會見到有兩個 Plan，分別為 $78 Plan 以及 $188 Plan，前者就係 5GB 21Mbps (5GB 後限速至 128Kbps)，而後者則為全速無限數據。兩者都係要簽約 24 個月。
留意細字，佢係寫住網絡係由 3HK 提供，不過呢點都唔出奇，我哋之前講過咁多次 MO SIM，都知道呢個其實係 3HK 旗下的產物，只係今次借 MO 呢個台，去打 CMHK 的 $78 同 $188 Plan 啫！而家 3HK 同 CMHK 都同價，想 Join 無限數據 Plan，多咗一個選擇，都係一件好事嘅。你又會揀 CMHK 定 3HK 呢？留言討論下啦！