SoSIM 放大絕：網店買十送一！儲值卡啟動日延長到 2023 年

左定坤 (Cho Ting Kwan) 2022-01-14 13:57 | 3 香港

又有正嘢要同大家分享！相信香港而家有唔少朋友，手上都揸住至少一張嘅 SoSIM，誠哥益街坊喎，又抵玩點會唔支持，更重要係想買都好方便，求其去間百佳或者屈臣氏已經買得到，近日更被外界廣泛推介為「走佬袋」必買之物！推出以嚟 SoSIM 不時都會推出唔同嘅推廣活動，而最近農曆新年將至，佢哋又再大搞「買十送一」優惠，平均每張 $30，仲有得延長啟動日期！想知詳情，睇下文啦！

3HK 推出網店限定 SoSIM 新春優惠，於 2 月 14 日之前，只要到百佳網店或者屈臣氏網店購買 10 張 SoSIM 儲值卡，就可以免費額外獲贈 1 張，平均每張只需 $30，就可以享有 30 日嘅 50GB 本地數據以及 5000 分鐘本地通話服務。無論係上網課、在家工作或者睇片煲劇，甚至一個唔好彩要送去隔離，有咁多張 SoSIM 應該都夠你消磨時間用吧！

另外，3HK 更特別將於百佳及屈臣氏網店發售嘅 SoSIM 啟動限期延長到 2023 年 2 月 23 日，買完唔使咁急住一齊過用哂。而 2023 年 2 月 23 日係咩日子？就係儲值卡實名登記嘅 Deadline，如果你張儲值卡係喺 2022 年 2 月 28 日或之前買，就可以唔使實名繼續使用至 2023 年 2 月 23 日。所以買多啲，可以用到 Last minute，你會唔會考慮掃貨呢？
 

百佳網店已有更新。