有留意電訊新聞，上年年底，香港政府公佈了一項無線頻譜拍賣結果，對用家嚟講，比較重要係，有新嘅頻譜供市民使用。頻譜多了，即係收訊好啲。當中，對我呢啲住係大西北村屋群，或者架建發射站比較困難的地方，當中的 700MHz (n28) 頻段，對我呢啲用家相當重要。雖然說，今年年頭可以使用，但去到六月都無音訊。今日 3 香港在一個記招中，其 CEO 古星輝先生宣佈只要政府批出 700MHz 使用權，3 香港就會推出 700MHz 嘅 5G 覆蓋，並講明先照顧郊區的住宅。
「黃金頻譜」得個快字，但好難收得到
講開 5G，網絡商講得最多是「黃金頻譜」。無錯，透過黃金頻譜即是 3.5GHz (n78) 及 4.9GHz (n79) 的傳送頻道，先可以做到接近 1GBps 上網下載數據速度。不過，所謂「黃金頻譜」射程範圍好短，你行入室內都好易收不到訊號。要收得好，需要大量發射站配合。若果你生活喺高樓多及大型商場多嘅地方，要架建更多發射站，難度只是要「錢」及找地方。但鄉郊地區就麻煩了，就算有光纖到達的地方，要在低樓地區起站，都是充滿難度。就算加陣網絡商用 4G 變 5G 方法，將本來 3G 網絡商採用的 2100MHz 改為 5G，收訊效果都不太理想。入屋靠低頻訊號
新拍賣的 700MHz 就不同了，是少有的低頻段，用上於流動通訊網絡，好處是訊號可以發射更遠及更深入室內的地方。例如，本來我家的睡房不能收到 5G 訊號，未來網絡商在附近架建了 700MHz 網絡，我就可以瞓著收 5G 訊號了。3 香港今日於一個記者會表示，佢地去年已投得 700MHz (n28)內的10 x 10MHz（共20MHz）頻譜。並早已開展 700MHz 頻譜的鋪網工程，進度良好並是首家營辦商宣佈預期於 6 月 30 日啟動 700MHz頻段的 5G 服務。
和記電訊香港控股執行董事及行政總裁古星輝解釋：「700MHz 屬低頻帶頻段，特色是穿透力強、覆蓋範圍廣，有助加強室內接收。 另外，700MHz 可用於「廣域覆蓋」，就算在相距基站較遠的地方，都可以收到信號。直接為面積大的區域提供深度覆蓋，如低密度住宅區，讓這些用戶能夠選用 5G 寬頻服務，取代傳統龜速寬頻。 」
出海都有用
「以 700MHz 頻譜提供極具深度的5G 覆蓋，如南丫島深灣及西貢對出一帶遍佈山嶺的海域（初步測試遠及離岸11公里），在這裏進行如遊船河等水上活動期間難以接收5G 或其他服務訊號。預期700MHz 頻譜的 5G 服務推出後，5G 訊號將會覆蓋至這些範圍。」3 香港亦表示，年內會再進一步將 700MHz 的 5G 深度覆蓋拓展至其他地區，包括中半山及九龍 塘的低密度住宅。 •稍後 700MHz 頻譜將可透過載波聚合技術（Carrier Aggregation），結合現有的 2.1GHz（n1）及 3.5GHz（n78）5G頻譜使用，提供更高速度的服務。
▲ 3 香港初期提供的 700MHz 5G 覆蓋地區
不是 3 香港獨有
不過，大家要注意 700MHz 頻段，不是 3 香港獨有，只係佢哋搶先出嚟公佈 Coverage Plan。而中國移動香港及 csl 同樣擁有 10x10Mhz 的 700MHz 頻譜，而數碼通都有 5 x 5MHz 再加上共 25MHz 的850MHz 低頻譜，一樣做到範圍大，深度高的 5G 覆蓋。不過，要留意一件事。5G 黃黃金頻譜 n78 等頻段，可以提供快過 4.5G 上網速度，原因頻寬夠闊。而 700MHz 最多的 20MHz 頻闊，難跟 n78 的 60MHz - 80MHz 速度可媲美，只是因為用了 5G 技術，Ping time 及 上傳都會有夠好的效果，亦因為是新頻段，不用跟 4G 客共用的優勢而已。Click 呢到有近年 5G 頻譜的分配情況