中國聯通新推 $138「英國及歐洲五國 30 日上網卡」
推出呢張全新「英國及歐洲五國 30 日上網卡」嘅，係中國聯通 CUniq HK，呢張上網卡建議零售價為 $248，而可能啱啱新推出，佢哋就有網店嘅優惠價，只需 $138 就買得到，除咗英國之外，歐洲五國仲包括意大利、愛爾蘭、瑞典、丹麥以及奧地利，如果你哋要去英國、歐洲等地玩，或者出國留學，又或者做嘢，唔理係乜目的，呢張卡都應該啱你用。而呢張上網卡，除咗有效期包 30 日之外，而且仲有 20GB 高速數據，用完 20GB 之後，可以繼續以不低於 512kbps 速度無限任用，只可惜呢張卡唔可以香港用到，變相唔可以香港用到去英國，但使用方法都好簡單，去到即插即用就得（當然要記得開漫遊服務啦）。另外，呢張 SIM 仲支持 eSIM，如果你部手機係支持 eSIM，甚至可以省卻埋換實體 SIM 嘅程序，相當方便。
最後要提醒嘅係，因為呢張 SIM 唔係 for 香港用，所以買 SIM 係唔需要實名登記，但因為呢張只係一張上網卡，所以佢係唔具備通話功能，不過去得旅行都唔會預用嚟傾電話，真係要傾，有上網用 WhatsApp Call 都得，所以呢點對我嚟講，又唔會太大影響，你又覺得 $138 呢個價錢，係唔係抵玩呢？
「英國及歐洲五國 30 日上網卡」詳情
建議零售價：$248網上優惠價：$138
有效期：30 日
數據用量：20GB 高速，其後不低於 512kbps 速度繼續無限上網
通話分鐘：無
覆蓋範圍：英國、意大利、愛爾蘭、瑞典、丹麥、奧地利
是否支持 eSIM：支持
可否增值：可增值 $150 以重新服務
按呢度有購買傳送門