最近有兩個網絡商都分別推出咗各自嘅內地港澳三地 5G Plan，小編咁啱呢排都打算換個三地 5G Plan，就忍唔住做個調查，睇下呢兩間網絡商有乜嘢唔同。一比之下，發覺呢個三地自「遊」行月費計劃有以下三大優勢，KO 對手：
平：月費門檻低
首先，3HK 三地自「遊」行月費計劃，入門門檻相當之低，月費低至 $158 起，就有至少 30GB 嘅 5G 數據用量，其實同本地 Plan 相差無幾嘅價錢，但就可以喺內地、澳門，都可以共用數據，唔使就住用，打破出外要漫遊數據嘅概念，甚至本身大陸用唔到嘅 Facebook、Instagram、WhatsApp 等等都用到！對比起藍色嘅 C 台同樣 30GB Plan，佢哋要 $199，而 3HK 只要 $158，如果你平時本身用量唔需要咁多，其實 3HK 真係會抵玩好多！3HK 最新推出 70GB 嘅高用量 Plan，連每月 100 分鐘喺內地及澳門嘅通話分鐘，月費都只係 $278，攜號轉台仲可以免行政費。
靚：支持 5G 全網通
相比起藍色台，3HK 嘅三地自「遊」行月費計劃支持全網通，自然更有優勢！乜嘢叫做全網通？意思就係，只要你係 3HK 用戶，去到內地可以用到當地嘅所有網絡，你唔係淨係可以用到中國聯通，如果咁啱你個位置，中國移動收得比較好，咁你一樣可以用到中國移動嘅 5G 網絡，喺澳門更加做到 5G 全網通，相比藍色 C 台用戶返大陸淨係用返自己網絡，更自由更有彈性。正：送 12 個月升級版一卡兩號
今時今日，尤其係返大陸，有一卡兩號真係非常重要。有個大陸號碼都唔係最重要，最重要係，你要返到大陸，打到電話，呢樣先係 must！點解咁講？好簡單，畀兩個情景你：（情景一）
小編有時返大陸住酒店，哎呀突然間好肚餓，大陸最興嘅，好多時都係用手機點餐，搵跑腿送外賣去你酒店。你有大陸號碼，固然可以開到美團 account，但打唔到電話或者聽唔到電話，外賣員跑到過嚟，聯絡唔到你，又或者你 miss 咗 call，聯絡唔到外賣員，咁一樣係好頭痕。
（情景二）
返大陸玩得多，都知相比起香港，大陸叫車真係好鬼平，而小編成日去邊都會用叫車 app，反正唔係貴，廢事成日慢慢坐地鐵。有大陸號碼就可以打電話聽電話，亦都可以方便司機到達目的地後唔見你，或者你見唔到司機時，保持通話。所以話，內地號碼真係超級重要！
而 3HK 升級版一卡兩號，唔單止可以調返轉喺香港打電話或者 send message 去大陸，都顯示到內地號碼；喺大陸想打去跑腿或司機嘅手機，或者打返香港，唔需要加上國家或地區字頭，連打電話都去漫遊化！而佢哋仲有尾號配對，可以將你香港號碼同埋大陸號碼最後 4 個數字配成一致，平時叫車一上車，司機第一件事都係問你電話號碼最後 4 個數字，而呢個服務係方便你容易記得呢 4 個數字，唔使左搵右搵，搵返你個大陸號碼幾多號出嚟。
你可能會話，唔係喎，其實 3HK 同藍色台都一樣有一卡兩號喎，而且藍色 C 台合約期內仲係送埋畀你，咁 3HK 仲有乜優勢？咁講啦，其實 3HK 升級版一卡兩號雖然話就話月費要 $28，不過 3HK 會送 12 個月，變相半價 $14 就有得用，就算計埋行政費，其實都同藍色 C 台月費唔係差好遠，但唔好忘記，其實藍色 C 台只係喺一卡兩號同埋「關聯家鄉號」(類似 3HK 嘅「尾號配對」) 入面二㨂一，論服務，始終唔夠 3HK 全面。
小結
總括而言，3HK 同藍色 C 台雖然大家都有推出中港澳三地 5G 月費計劃，為成日北上或者過大海嘅客戶帶來便利，但論入門門檻，3HK 更低；論 5G 網絡覆蓋，3HK 更廣；論一卡兩號服務，3HK 更全面、方便。呼應返一開始所講，3HK 相比藍色台有三大優勢，三個字：平、靚、正！詳情：按這裡
WhatsApp 查詢：按這裡
資料由客戶提供