CUniq HK 限時 5G 上台優惠！$113 全包享 25GB 本地 5G 數據
說的是中國聯通香港 CUniq HK，今日就喺 Facebook 出咗個 post，就話乜乜提議人去嚟緊嘅香港書展，又話會唔會擔心書展人山人海無信號，上佢哋台就幫到你。點解我會覺得有少少「格硬嚟」，因為正常嚟講無人會為咗去書展驚無信號而上一個台，二來如果真係擔心上網質素，點解要揀一間 MVNO 公司，而唔直接上佢阿媽個台，去返四大網絡商 Join Plan 呢？呢個上台理由我會覺得有少少「格硬嚟」，但佢個 5G 限時上台優惠都算係 OK 可取。今次 CUniq HK 呢個 5G 上台優惠，優惠期內月費只需 $118，就可以享有 25GB 香港 5G 數據，而即日起至 8 月 15 日，攜號轉台客戶，更可享有免行政費。而如果經網站申請，唔單止會送米家大容量旅行包一個，輸入優惠碼「SUMMER」，更可額外免首月月費，計起上嚟即係每月約 $113，就有 25GB 5G 數據可以用，唔知網友又會唔會考慮呢？
