![內文.jpg 內文.jpg](https://timgm.eprice.com.hk/hk/mobile/img/2024-07/22/223723/eprice_1_c8eec483b88037d2f1b4efcad23f7e4e.jpg)
網友爆料:SoSIM 香港驚現收到 5G 頻段,速度見最高近 180Mbps?
記得之前曾經有同 3HK 高層訪問時問過,會唔會之後SoSIM都用到 5G,當時佢畀我嘅答法係暫時未有呢個計劃,事實上到而家,我手上嘅 SoSIM 都係一直用緊 4G,不過早幾日有網友爆料,表示佢手上張 SoSIM,喺荃灣、葵涌一帶,都可以有 5G 網絡,就好似喺荃灣大涌道至白田壩街路口位置,佢試過用Speedtest測速,下載速度高達 173Mbps,而上載速度亦有 54.6Mbps,版主有問過呢位網友,佢有冇加錢去買加速神器之類嘅 plan,佢話無。咁到底點解我手上將 SoSIM 用唔到 5G,但佢嗰張又得呢?具體原因我仍在向 3HK 方面了解,需要時間作調查。但如果要講我同呢位網友最主要嘅不同,可能就係因為佢係用大陸水貨機 OPPO Find X7,而我係用香港行貨手機,會唔會喺大陸水貨機上用 SoSIM,就可以成功破解 5G 或速度限制,我哋可以大膽假設,小心求證,而我向呢位網友提出呢個假設,佢都有試過轉小米國行手機配 SoSIM 測試,喺葵盛一帶都跑到 74.3Mbps 嘅速度,但今次雖然手機寫住 5G,實際卻沒有見到用緊 5G 嘅頻段,只有 4G (1800),不過都突破咗 42Mbps 嘅限制,而之前用 Find X7 則有顯示 5G NSA (3500)。唔知有無網友都有遇過類似嘅情況,用 SoSIM 但喺香港都收到 5G,而且跑出超過 42Mbps 嘅速度呢?大家可以同我分享一下。
![2-800x450.jpg 2-800x450.jpg](https://timgm.eprice.com.hk/hk/mobile/img/2024-07/22/223723/eprice_3_ba4f35dff479bf1eed356b2e1f33bc87.jpg)
網友分享測試截圖 (已問準網友獲授權使用)
測試一:使用 OPPO Find X7 在荃灣大涌道至白田壩街路口位置測速
![]() |
![]() |
測試二:使用 OPPO Find X7 在葵盛測速
![]() |
![]() |
測試三:換上小米國行手機在葵盛測速
![]() |
![]() |