HKBN 本地 + 亞太數據計劃升級，送一卡兩號
HKBN 最近將佢哋 N Mobile 嘅 5G 本地數據 + 亞太及中國數據計劃升級，呢個計劃原本最平係 $138，包 20GB 本地 5G 數據 + 10GB 亞太及中國數據，不過就無包大陸號碼，如果你想跟埋中國內地號碼，就要額外加 $20，即係 $158。但而家呢個 Plan 送埋大陸號碼畀你，聽落去幾着數。而如果你唔需要大陸號碼，你都仲可以有一個選擇，同樣 $138，但就每個月額外多 10GB 亞太及中國數據，即係 $138 有每月 20GB 本地 5G + 20GB 漫遊數據，原本呢個 Plan 要 $158 㗎！另外，合約期內行政費係豁免咗㗎！順帶一提，HKBN 呢個 Plan，佢哋嘅本地 5G 服務，係由 3HK 支援，包每月 3000 通話分鐘，再送 Global Talk+ 服務，等你可以慳返昂貴漫遊通話費。而亞太區係支援 14 個地區，包括有中國內地、澳門、日本、南韓、台灣、泰國 、澳洲、新加坡、馬來西亞 、越南、印尼、印度、菲律賓及柬埔寨。唔知呢個月費計劃對大家嚟講，又係唔係抵玩呢？
按呢度可以了解更多計劃詳情