慶 CUniq SG 上線，87 折掃貨買上網卡
說的是中國聯通香港 CUniq HK，隨着中國聯通國際 CUniq SG 正式在新加坡發表，為咗慶祝佢正式上線，香港呢邊都大搞一日限定優惠，只限 8 月 7 日，上台減免首月月費就似乎唔係太重要，但另一個優惠就係儲值卡 87 折，值得留意，尤其係內地、澳門上網卡。
點解內地、澳門上網卡需要特別留意？因為本身呢個系列上網卡，已經做緊限時優惠，最平 $17 起有 2 日數據，而家輸入埋優惠碼【CUNIQSG87】，仲有額外 87 折優惠！變相即係折上折。但要注意嘅係，雖然最平嗰張係 $17，但唔代表你 87 折完，就係 $14.79，因為如果你只係買一張，其實係要 $15 運費，你要消費滿 $80 先可以免運費送到工商地址，如果你非要買最平 $17 1.5GB / 2 日嗰張，起碼要買夠 6 張，先可以享有免運費，但其實咁樣唔值得，因為你買 6 張返嚟，成日都要換 SIM 都幾麻煩。
如果係我，我會考慮 180 日半年卡，或者 365 日年卡，前者其實可以最高可以有 50GB 數據，有多種數據用量選擇，而後者就只有 20GB 一個選擇。如果你唔係去得好密，我覺得買 20GB 年卡係夠用，起碼唔使煩，長期擺喺 SIM 2 卡槽就得。網上優惠價 $151，而 87 折完即係 $131.4 左右，仲要有 5G 喎。睇返 SoSIM，年 Plan 係 $138，但就得 10GB 數據，而家聯通呢張 SIM 平過 SoSIM，數據又多一倍，又吸唔吸引到你入手呢？
按呢度有更多上網卡選擇