3HK SoSIM 破解 5G 大法被 Bug Fix？
大概係 7 月中嘅時候，版主就出咗一篇文章：「3HK SoSIM 破解 5G 大法？網友爆料：速度大提升，最高見過近 180Mbps？」，表示有網友爆料佢用緊 SoSIM，用幾款唔同國行手機喺葵涌、荃灣一帶可以收到 5G，而且速度真係快，並唔係本身嘅 42Mbps 速度，速度去到近 180Mbps 之高，當時我就向 3HK 了解具體原因，但一直沒有收到回覆。直至最近，該位網友表示，而家用 SoSIM 變返 4G，無咗之前嘅 5G，看來其實係 3HK 本身嘅漏洞，近期終於畀佢哋靜靜雞修復咗，但至今版主就並無收到過任何官方嘅回應。唔知有無網友都好似呢位網友咁，之前曾經有 5G 收到，近期變返 4G，又或者而家繼續開心用 5G 中？大家不妨 PM 我分享一下！