今次講嘅係和記電訊香港，早前獲通訊辦指配共 600MHz 嘅 26GHz 頻段頻譜，有助提升 5G 網絡容量，而佢哋專業技術團隊早前進行網絡測試，配合適當設備，結合 3.5GHz 頻譜，最高下載速度及上載速度分別為 5.2Gbps 以及 1.1Gbps，喺網絡技術上有好大突破。
透過 mmWave 打造全港首個 5.5G 劇場
而和記電訊香港今日宣佈，將會為藝團「進念．二十面體」於 11 月喺香港文化中心大劇院公演嘅舞台劇《唔講得》，於表演場地為提供速度比 5G 快 10 倍，時延達毫秒級嘅 5.5G 連接，打造全港首個 5.5G 劇場。而實際點做到 5.5G，版主都有向業界人士了解過，要做到 5.5G，佢哋會喺文化中心起個臨時 mmWave 站，以達至「速度更快，時延更低」之效，到時劇中演員亦會透過呢個 mmWave 網絡，研究不同 場景，去同觀眾有更多嘅互動，以實時手機影像營造演員與觀眾最親密嘅距離。