3HK SoSIM 宣佈 1 月再加價！不過送本地網內短訊 + 更多優惠券，有無着數到？

左定坤 (Cho Ting Kwan) 2024-12-11 19:50 | 3 香港

版主用 3HK 的 SoSIM 已經有一段時間，當初點解會用 SoSIM，最主要原因係平，求其去百佳或者屈臣氏，$33 就買到，最初用完頭一個月，$38 續 Plan，之後加價到 $42，就送個「防騙王」同埋升級 VoLTE 話音服務。而 SoSIM 最新宣佈，將會在 2025 年 1 月又再加價，到底加到幾錢，又會唔會喺其他地方「升級」咗呢？睇下文啦！

3HK 宣佈 SoSIM 一月再加價

3HK SoSIM 宣佈，由 2025 年 1 月 7 日起，多個計劃續購收費調整，其中包括「30 日 / 無限影視數據組合」、「30 日 / 社交 + 歡樂通宵 + 無限影音數據組合」、「30 日 / 無限音樂數據組合」、「90 日 / 本地數據服務組合」以及「30 日 / 本地數據服務組合」。



我們可以看到，除了「本地數據服務組合」30 日和 90 日 Plan 都有加價，其他計劃加價的都主要是 30 日組合，就好似「無限影視數據組合」，30 日由原來 $50 加價至 $55，但 90 日則維持原狀 $139。

至於普遍最多人使用的「本地數據服務組合」，30 日由 $42 加價至 $45，而 90 日則由 $109 加至 $115。

不過，雖然價格上是有所提升，但 SoSIM 都有在其他方面「回饋」返大家，就以 30 日「本地數據服務組合」為例，雖然加多 $3，但就可以額外享有 30 個本地網內短訊 (其實我唔知係唔係真係仲咁有用 !?)，而本身送 2 張「24 小時 4.5G 加速神器優惠券」以及「24 小時 YouTube 數據通行證優惠券」，就升級至送 4 張。但對於平時本來都無乜點用呢啲服務嘅網友來說 (我自己都無乜點用)，其實等於無用，只知道都係加咗價。

以下為加價後的變動詳情：