3HK SoSIM 限時優惠！開卡即送雙倍外遊數據，點做到？

左定坤 (Cho Ting Kwan) 2025-02-14 20:13 | 3 香港

一向廣受大眾歡迎，出名性價比高的 3HK SoSIM 儲值卡，適逢情人節，推出全新優惠，只要購買 SoSIM，即免費送 $52 外遊追加數據優惠券，啱哂同另一半去旅行時使用。想知詳情，睇下文啦！



由即日起至 2025 年 5 月 20 日，只要購買全新 SoSIM，新卡開卡即送 $52 外遊追加數據優惠券，讓你可以去旅行時用券幫你的外遊通行證追加數據。如開卡 48 小時內轉換為 5 日亞太數據，旅行到目的地啟用通行證，即可用優惠券追加數據，變相等於每日可以享有雙倍數據 (1000MB)，你又覺得係唔係吸引呢？

SoSIM 現時賣價都係 $33 / 張，唔單止可以透過 App 內自選本地 50GB 數據或者 5 日亞太區外遊數據，而且亦可以本地、外遊一卡通用，並能夠透過 WiFi Tethering 分享熱點。而 SoSIM 也支持攜號轉台，在 App 內申請自助搞掂，更加無合約以及無行政費，呢啲都係比上台更方便嘅選擇。