CUniq HK 推出中港兩地 Plan，首月月費 $88
說的是中國聯通香港 CUniq HK，全新推出「ONE 內地香港數據共享計劃」，由即日起佢哋推出咗網店限定優惠，只要經網店上台 Join 30GB 月費計劃，並且輸入優惠碼「NEWJOIN」，就可以享有首月月費 $88 的優惠，而且仲可以豁免行政費、送內地號碼、每月 100 內地香港通話分鐘以及送米家保溫杯，攜號轉台更可以免 1 個月月費。而 CUniq HK 全新的「ONE 內地香港數據共享計劃」，除了 30GB Plan 選擇之外，還有 60GB、90GB 以及 180GB 選擇，基本月費分別為 $188、$258 以及 $358，不過就沒有了首月 $88 優惠，但依然可以免 1 個月月費，扣除優惠平均月費分別為 $181、$248 以及 $344，並分別送 200、200 以及 600 內地及香港通話分鐘。
對比中國移動香港 CMHK 兩地 Plan
不過，對比起 CMHK 同樣兩地 Plan，我仍然會覺得 CMHK 比較划算抵玩，雖然從 CMHK 網站可以見到，最平組合月費都要 $179，但佢同樣可以豁免 1 個月月費，而且網店限定還會送 $600 電子繳費券，平均每月 $147 左右，但唔好忘記佢有 50GB 咁多，而且都係送一卡兩號，咁計返其實 CUniq HK 得 30GB，好難夠 CMHK 鬥，但叫做用唔同網絡商，可以有多個選擇。你又會點樣揀呢？