100 蚊搶 iPhone 6s Plus 、 LG V10 ？ The Club 獎賞活動細節要留意
相信大家見到一百蚊可以搶到 V10 同 iPhone 6s Plus 當場已經熱血沸騰，不過今次活動唔似之前 CMHK 清貨人人都可以搶，所以係細節同搶獎賞的門檻上都要留意清楚先。今次提到的活動名為「 10 Fun 賞 10 分搶」，係為會員而設的，所以係搶機前先要留意自已是否已登記成為會員。「 10 Fun 賞 10 分搶」呢個活動將會係 12 月 7 號至到 2016 年 1 月 3 號期間舉行，活動期間每日將會有不定時於 The Club 網頁推出超過 2000 份特別獎賞，價錢超過 20 萬（當中就包括左 V10 同 iPhone 6s ）。而會員可以用 10 分的 The Club 積分去兌換獎賞。
咁會員又點先可以儲到 10 分呢？睇返 The Club 官網的資料，其實又真係唔難，當中官方提到「香港電訊各項認可服務的消費每 HK$10 賺取 1 Club 積分：於香港電訊旗下﹝1O1O、csl、網上行、家居電話線服務及 eye 智能生活通訊﹞認可的消費自動轉化為積分，包括認可香港電訊服務每月賬單收費﹝如 now TV、 MOOV 及媒體服務包括在 HKT 服務賬單的所有合資格消費內亦會同樣計算﹞。」換句話講，基本上消費滿 $100 就已經換到 10 分，而且如果閣下現時已經係 HKT 客戶，相信已經唔止有 10 積分了。
另外，根據 The Club 網頁所提到，除左 HKT 旗下服務之外，係其他地方都可以換到 The Club 積分。好似係 Agoda 消費 HK$10（或等值的外幣金額）就可以換到 1 Club 積分，係 11 月 30 號前預訂同埋係 16 年 1 月 31 號入住的話，更加有雙倍積分。簡單來講，要儲到 10 積分難度不會很高，最煩係而家未知有幾多部機可以比大家搶啫！
▲除左 csl 、 1010 等 HTK 旗下電訊商外， The Club 積分亦可以上圖的途徑賺取
來源：The Club
