）。不過版主試用左幾次，發現免費 Wi-Fi 限制非常大，沒有預期中咁好用，真是令人相當失望！其實想用無限 Wi-Fi ，每個月最平 $38 就有啦！唔知大家又有冇用過港鐵既免費 Wi-Fi 呢？入嚟睇睇版主分享，又講講意見吧！
限制多、速度慢 覆蓋範圍有待加強！
其實尋日知道港鐵站肯提供免費 Wi-Fi ，版主是幾開心的，因為服務是和 PCCW 合作麻，應該都有唔錯的水準和覆蓋，不過今日真正試用的時侯，真係發現同付費的 PCCW 有一大段距離，問題真係要同大家逐個數。首先，免費 Wi-Fi 的接收範圍嚴重不足，版主在葵芳、旺角都發現只有車站大堂極少部份地區收到 Wi-Fi ，行多兩步都已經收唔到，如果要用既話唯有齊齊「罰企」了；另外免費 Wi-Fi 每日只可以登入 5 次，如果「唔小心」行多幾步斷左，都已經冇左一次 Quota 了，真係好容易就用晒。其後版主分別用 iPhone 5 和 HTC One 去進行 OFCA 網速測試，發現上下載速度都在 10Mbps 以下，其實同 3G 速度差唔多，如果有申請上網月費既話，又點解要用佢呢？
▲旺角站的月台是收不到免費 Wi-Fi 的，大家應該「企定定」上完網才慢慢等車
1,000Mbps 速度！ PCCW 最快 Wi-Fi 同場試
經開旺角，版主當然要到朗豪坊試埋他們最新的新制式 Wi-Fi ，除了將制式升級做 802.11ac 之外，最高亦做到 1000 Mbps 的速度。版主在幾個地點試過，發現在星巴克旁邊是收得最好的，下載速度平均有 50Mbps ，而上載亦有 80Mbps 的水準，實在與港鐵提供的 Wi-Fi 差很遠啊，即使在一些收得普普通通的地方，上下載都平均有 10Mbps 以上的水準，為什麼會有那麼大的差別呢？
▲這裡是收得最好的地方，上網速度極快。
版主教路：最平 $38 蚊／月有無限 Wi-Fi！
如果要同 PCCW 付費 Wi-Fi 帳號比，地鐵的 15 分鐘免費 Wi-Fi 覆蓋範圍真是小很多，不過如果唔係用緊 PCCW 既月費 ，其實都能夠以 $38 一個月任用（沒錯，仲平過 PCCW 既 $48 一機任用）。方法好簡單，就係去買張中移動儲值卡，然後選用 30 天的「流動數據組合」，雖然號碼只有 2G 上網，不過就可以任用 CMCC 的 Wi-Fi 上網！由於這是 PCCW 借給 CMHK 用的，所以理論上覆蓋和 PCCW 完全一樣，計番都係每日 $1.5 唔使，真係有需要不如用呢個好過啦！
▲中移動推出的 7 日組合和 30 日組合都是包無限 CMCC 的 Wi-Fi ，計番其實幾抵用！
網友齊傾：港鐵 Wi-Fi 有冇誠意？可以點改善？
版主在試港鐵免費 Wi-Fi 的時侯，試過在同一地點連 PCCW 的 Wi-Fi ，是可以不用登入就可以直接使用；不過版主試過先登入 MTR Free Wi-Fi ，然後走到月台連接 PCCW ，也是需要再登入的，估計 PCCW 是將部份 Wi-Fi Hotspot 分出來作供人免費使用。如此推論，其實要在月台範圍加推免費 Wi-Fi 難度其實不大，大家覺得港鐵應唔應該加推 Free Wi-Fi 服務呢？(上年都有兩個月免費啦，月台都用到架
）大家呢兩日又有冇用過港鐵免費 Wi-Fi 呢，留言分享一下經驗吧！