儲值卡推廣 + 鴨寮街特價
當手機上網月費，越來越貴，版主們會跟大家講一句：「識玩的，一定揀儲值卡」，尤其若果你用 Pocket WiFi、用 3G / 4G 平板，跟本沒有一個電話號碼的需要，儲值卡用完即棄，加上鴨寮街 SIM 檔的傾銷價，往往比起簽約上台抵好多。今期版主會推介呢張中國移動香港 CMHK 的「4G / 3G 數據及話音儲值卡」。呢張卡玩法最多，由 $28 日費 4G LTE 全速、到 $68 十日 1GB 14.4Mbps 限速任用、還有 3G Lite $30 十日 384kbps 限速任用都有。呢張卡也有話音服務，俾你打電話。今次玩法係咁：呢張卡，原價 $80，鴨寮街 SIM 檔，nano SIM 卡版本賣 $50 (若果你只需要 microSIM 或大 SIM，最平 $48) 。3G Lite $30 十日 384kbps 限速任用會有一次過的免費推廣優惠。而 $78 面值 (開卡會扣 $2 行政費)，再可以扣多 20 日任用收費。簡單計算，只要你花 $50 ，就可以用到 30 日 3G Lite 無限上網，當中還有 $18 比你打電話，一毫子一分鐘計算，有 180 分鐘做 Backup，唔錯喎。
你都寫 3G Lite 啦，如何用 4G？這就是「4G / 3G 數據及話音儲值卡」奇妙之處。首先，他寫明是 3G Lite，但其實可以連入 4G LTE 網絡。它寫明最高上網速度為 384kbps，但實際速度，最高可達 800kbps，在訊號良好時，一般也做到 600-700kbps。它寫明不可用於網絡分享(tethering)及 P2P 功能(包括 Bit-Torrent)，只可用於手機，不可用於顯示屏大於 7 吋之裝置。但版主全日用 Tethering，更放過係 Tablet，全部無問題 (Bit-Torrent 未試過)。
或者你會話，4G LTE 都得 700kbps，好快咩? 以版主用 Tethering，再駁我的 MacBook Air 為例，我用了大半天來工作，包括上 Facebook、瀏覽網頁睇資料寫稿，upload 相片、資料去 ePrice.HK 的後台與伺服器，全部都覺得好順。當然，我都會下載大 Size 的圖片檔案，因為速度真係未到 1Mbps，有點慢是預期之內的事。用上 4G LTE 比起只連上 3G 好處係，速度會比較穩定，上傳下載速度對等，亦唔會時快、時慢。CMHK 4G 覆蓋我覺得 OK 喎，雖然說室內只有 1800 頻段的 4G LTE ，因為最快都係 800kbps，跟本應付有餘。
▲ 深水埗鴨寮街的地檔，除了賣電器，有不少賣 SIM 卡的，版主推介你在港䥫站 C 出口，向公共洗手間方向往下行，兩旁又不少賣 SIM 地檔，越向下行，賣價越平。
▲ 呢張中國移動香港 4G/ 3G 數據及話音儲值卡，原價 $80，SIM 檔最平 $48，但 Nano SIM 版本不多，會貴 $2 左右。
▲ 封面寫了首 10 日 3G Lite 數據服務，優惠期去到 2014 年 12 月 31 日，即係 $50 玩足一個月無限 4G LiTE 都有半年貨仔左右。
▲ 呢張卡有很多不同速度的數據 Package 選擇。
▲ 版主用短片紀錄了，呢張卡不同應用下的速度，大家可以感受一下。
各位網友，有沒有更抵的上網方案？不妨跟大家 Share 一下