手機特賣最平 35 折！中移動年度減價 HTC One M8 賣三千幾！

Eddie 2014-12-18 12:16 | 中國移動香港

仲有唔到一個星期就到聖誕，大家買定禮物未呢？講真今年因為大鋪減價既優惠，所以好多人都選擇一出即買，好少等到年底先入手。不過中國移動香港剛剛推出一個年度特賣，用最平 35 折既優惠去清貨，當中包括 HTC One (M8) 、 LG G Pro 2 等熱門手機，大家快啲入黎計下抵唔抵啦！

中移動推 1cm 特賣場優惠！行貨比大鋪平幾百 你買唔買？

中國移動香港在今日 ( 12 月 18 日）推出一個「手機特賣場」優惠，這個優惠不需要另外加合約，不過就只限中國移動香港的用戶先用到，他們官方號稱最平 35 折去特賣，大家都知道係清舊貨既時侯。不過減價既機種入面有去年的旗艦 LG G2 、 LG G Flex ，今年初推出的 LG G Pro 2 、 HTC One (M8) 都有減價。官方沒有提到每人限量買幾多部，只提到這次的優惠數量有限而已。

版主睇過下，中國移動香港的特賣都係比起外要「大鋪減價」之後的價錢再平幾百，以 HTC One (M8) 為例出面賣 $4,180 而中移動可以平 $700 ，四千有找買今年初的旗艦也算不錯吧？而之前減到 $2,998 唔少網友去搶既 LG G Flex 中國移動香港清貨價賣 $1,998 ，大家又會唔會有興趣呢？下面版主同大家分析下有咩手機優惠係抵玩， Click 入去圖片亦可以進入 ePrice 的比拼系統睇到手機的詳細規格和比較大鋪價錢：


▲這兩款算是比較舊的手機，現時 HTC Desire 610 與 LG G Pro Lite 有賣的地方實在不算多。其實考慮到 Desire 610 採用 4.7 吋 qHC 屏幕、Qualcomm S400 1.2GHz 四核、 1GB RAM 配合 800/130 萬像素鏡頭的組合，賣 $1,380 真的性價比不算高（沒法，太多入門平價 4G LTE 機出現了）


▲這兩款 LG 的前旗艦手機都有減，版主睇過是 32GB 版本的 LG G2 與 16GB 版本的 LG G Pro 2 。現時 LG G2 (32GB) 賣 $2,998 代表中移動平 $500 ，而 LG G Pro 2 大鋪賣 $3,298 所以大約平 $300 左右，我認為 LG G2 是值得入手的價錢，雖然是舊一代的旗艦不過有著 5.2 吋 FHD 屏幕、 Qualcomm S800 四核配 2GB RAM 、1300 萬 + 200 萬像素鏡頭組合、 3000mAh 大電池其實真的很不錯


▲邊部手機做到 35 折呢？正正就係講 LG G Flex 。雖然以推出時的官價去計未必準確，但版主最近行場都唔多見呢部機有得賣，似乎大鋪已經斷貨了。點解會斷貨？之前賣 $2998 既時侯大家都搶黎買囉，而家再賣平 $1,000 睇下有幾多網友會衝吧！而 HTC Desire 816 LTE 早幾日見到大鋪賣 $2,380 ，中移動客戶賣平 $400 算唔算抵？


▲Nokia Lumia 930 這部 Windows Phone 的支持者可能不是那麼多，大鋪行貨賣 $3,988 ，抵唔抵玩真係見仁見智；而 HTC One (M8) 大鋪賣 $4,180 ，中移動客戶用到 $3,480 買其實係幾平左 $700 ，呢個價錢就算係細鋪的「全新行貨」都難搵，版主認為是幾抵的