中移動上 4G 月費免費得紅米 2 ！版主同你計邊個方案最抵！

Eddie 2015-03-16 19:05 | 中國移動香港

上年一部紅米，一部紅米 Note ，令唔少網友都去搶。當然啦，用咁低價錢可以買到一部規格唔差既手機，性價比還是幾好的。不過唔知係咪平價市場已經飽和，最近版主見到紅米 2 都冇人搶，隨時可以係官網都買得到（唔使 F 碼真係好好多）。而中移動香港亦宣佈會有新的紅米2  4G 月費，同買機上台比較邊個方案抵？版主即刻同你計！

中移動推紅米 2 4G Pro 月費！上台出機邊個方案抵？

其實之前中移動已經推出了「上台＋買機」方案，只要上台就可以用 $899 既正價入手紅米 2，既然都係正價點解要向中移動買？因為 1CM 有一個網購優惠，只要係網上預約的話就有 $100 的月費回贈、 $50 超市禮券同埋一隻價值 $500 以上的 Android TV Dongle 送番，計落係一個幾抵的優惠。不過中移動又宣佈推出 「紅米手機 2 4G Pro 服務計劃」，可以用 $0 機價出紅米 2 。

我地可以睇下個紅米 2 月費，其實就比起買機上台月費貴 $20 ，計番 2 年 24 個月額外總支出係 $480 ，就可以換來一部 $899 的紅米 2 ，換句話說係慳左 $419 （每個月平均慳 $17)，但係呢個價錢係未計網上的 $100 月費回贈、$50 現金券和 TV Dongle 的優惠，真係計到盡既話，版主就覺得「買機＋上台」既方案比較划算啦。其實講開又講，如果真係上台出機既話，機價愈貴做 $0 機價當然係愈著數，大家又係咪要上台出紅米 2 呢（尤其係官網買到的時侯），呢個問題都係留番你地自己諗啦。
 

合約種類	機價	月費	用量	合約期	總支出	網購優惠
買機上台月費	$899	$166	1GB	24 月	$4,883	－$100 月費回贈 －$50 超市禮券 － Android TV Dongle
買機上台月費	$899	$216	2.5GB	24 月	$6,083
買機上台月費	$899	$266	6GB	24 月	$7,283
買機上台月費	$899	$356	10GB	24 月	$9443

 

合約種類	機價	月費	用量	合約期	總支出
紅米 2 出機月費	$0	$236	2.5GB	24 月	$5,664
紅米 2 出機月費	$0	$286	6GB	24 月	$6,864
紅米 2 出機月費	$0	$376	10GB	24 月	$9,024

▲版主對比過「買機上台月費」與「紅米 2 出機月費」，其實兩邊月費差別是 $400 左右，出機不是特別平啊


▲大家可以留意到，網上有「網購優惠」，跟出機一樣是 24 個月的合約

在文章發佈的時侯，Xiaomi 紅米 2 定價 $899 ，按此看詳細規格和最新賣價。