中國聯通都有推出 7 日/1GB 上網卡、 30 日的香港＋廣東上網卡等等，最近又有新的上網卡，特點就係一個月費可以支援到中港 4G 上網，收費亦係由 $38 / 月起，究竟抵唔抵玩？入黎評論下啦！
中移動推 3G/4G 一卡兩號新卡！有中港 4G 月費由 $38/ 月起！
以往中國移動香港都有推「一卡兩號」卡，特點就是同時有香港與大陸的電話號碼，不過果張卡大陸的上網月費只支援到 2G ，相信大家都不會用來當上網主力吧？而接下來中國移動香港會推出一張全新的「一卡兩號卡」，特點就是有中港 4G 的上網月費，方便中港兩地走的用家。呢張卡零售價 $120 ，扣除第一次行政費之後儲值額有 $60 ，而每個月亦會自動扣 $6 的行政費，因為張卡未出暫時就未有通話的收費資料，知道的是佢有一個「中港 4G 」的上網月費。這張儲值卡的中港 4G 的月費有三種： $38/200MB 、 $118/1GB 、$198/2GB ，相對於中國聯通的儲值卡，它的優勢就是支援到 4G LTE ，不過當然亦要有支援 TD-LTE 的手機先用得著啦，而月費會由開啟服務起計用 30 日，都適合需要中港兩地走的用家，不過要留意當開啟了 4G/3G 本地組合的話，就開不了中港數據組合，這是需要留心的。
另外版主諗到，呢張卡第一次單買 $120 的價錢是零售價，而裡面只有 $60 的儲值卡，如果正常向門市買就等於要比多 $60 的卡價，如果有興趣的話可以留意下會唔會遲少少鴨記都有得賣，畢竟有好多卡係鴨記都可以平幾成，加上中國移動儲值 $300 以上有 30% + $10 的額外增值額，對於長期需要中港兩地走的用家來講，這張卡是幾不錯的選擇，網友們又點睇呢？留言講下你的意見吧！
▲大家可以留意到有 「3G/4G 本地數據服務」和「中港數據共用組合」，這兩個是不能共存的，必須取消其中一方才可以申請另一邊
▲點樣用盡張卡？就係一次儲值 $300 以上了，計埋額外增值額，儲 $300 就有 $410 的面額，可以開兩個月的 2GB 數據啊，變相平均一個月支出是 $150/2GB ，還算不錯吧！
▲中國聯通香港亦有 30 日的儲值卡，但就張卡只包廣東及香港，不包括其他地區要留意