▲更重要的更新：CMHK 再補充了資料，以上超抵價發售的淨機，除左非 CMHK 客戶都可以購買之外。要留意係活動會在 10:30 開始派籌，有意入手的朋友要早點到啦！
CMHK 開新店大派優惠！iPhone 6s / 6s Plus 減到 $1600？
今次 CMHK 之所以大派優惠，主要原因之一，就係因為 CMHK 銅鑼灣新店開張。所以以下版主提到的優惠，都係同呢間分店有關的。係一眾優惠之中，最搶手的一定要數淨機即減優惠啦，因為 iPhone 6s 同 6s Plus 都有份，最多減足 $1600 ，而名額一共有 200 部。有關銅鑼灣分店淨手機折扣優惠， CMHK 提到會有 iPhone 6s (64GB) 、 6s Plus (64GB) 以及 Galaxy A8 三部機，最多可以減 $1600 。雖然我哋未能肯定實際賣價會係幾多，但若然可以 6s 以及 6s Plus 可以即減 $1600 的話，一定係現時最平賣價！另外，版主個人相信 Galaxy A8 減 $1600 的機會都相當大，因為 A8 之前已經成為了 CMHK 的「每月優惠之星」，上台機價只需 $1980 ，呢個價錢剛剛好係定價 $3598 減去 $1600 後的價錢呢！
重大更新： CMHK 方面提到，銅鑼灣分店淨手機折扣優惠當中，折扣高達 $1600 係 Samsung Galaxy A8 價錢係 $1998 。雖然 iPhone 6s (64GB) 以及 iPhone 6s Plus (128GB) 唔係減最多，但都減得好勁！兩款 iPhone 同樣減足 $1400 ， iPhone 6s (64GB) 價錢係 $4988 而 iPhone 6s Plus (64GB) 價錢係 $5788 。（沒有「即減 $1600」也有「即減 $1400」，都不錯啊！
CMHK 自家手機 and! N1 以及 A1 大特賣
除左有限 200 部的淨機折扣之外，想入手平機的朋友都可以留意，兩部 CMHK 自家出品手機 and! N1 以及 A1 ，兩部機雖然做過多次優惠，但都未必夠今次抵玩。當中 and! N1 由 $1159 減至 $888 而 and! A1 就由 $799 減至 $488 ，價錢上大家可能仲會想再平，要買個日要快手了。
▲其實本身 CMHK 已經有「超荀淨機價優惠」，入手 iPhone 6s/6s Plus 會有平。最終 iPhone 6s 係銅鑼灣分店淨手機折扣優惠之中，又會平幾多？真係要到時先知了。
▲ Galaxy A8 而家做緊 CMHK 「每月優惠之星」，但需要簽約上台先可以用 $1980 呢個價錢出機。今次限量優惠就唔使上台，都可以用到 $1980 呢個價買機！
對買機無興趣？Double Data 吸引啊！
前排大鋪劈價之後，版主留意到不少網友都已經入手左新機，再買機的意欲自然唔大，送雙倍數據用量相信大家會更感興趣，而且呢個優惠既無限人數，要拎到都更方便的。只要係 1 月 30 號到 2 月 1 號期間，係任何一間門市或者網上商店選用 4G Pro 服務計劃，同埋簽約12個月或以上，合約期內首 6 個月就會有兩倍數據用量。（但要留意， 4G Pro 「一家分享」服務計劃並不適用。）
▲ 同以上只得 1 月 30 號有，而且要到銅鑼灣分店的優惠唔同。Double Data 係 30 號起一連三日都有。
CMHK 新店開幕優惠
日期: 2016 年 1 月 30 日 (星期六）時間: 中午 12:00 （上午 10:30 開始派籌）
地點: 銅鑼灣波斯富街 70 號地下
來源： CMHK官網