學生無限上網 Plan
中國移動香港 CMHK 今次推嘅係「學生 Plan」來，不過，佢唔似得 csl. 只係比中學生用，呢個 Plan 係俾合資格之本地全日制之中學及大專院校學生申請，所以包括嘅用家比 csl. 多好多，亦包括不少 18+ 嘅網友。呢個 Plan，其實即係佢地嘅帶機上台 4G Pro 計劃演變出來，由 3GB 用量起跳，最多有 10GB 用量。三個 Plan 都無減過價，一樣簽約 24 個月，但唔收 $18 行政費，即係變相慳了 $432！原來嘅 4G Pro 劃，用爆左就要立即停數據，一係你加錢買。但呢個學生 Plan 會免費加送用爆左之後嘅數據用量，即點呢？例如 $198 包 3GB 係正常 4G LTE 速度，用爆左之後都有得上網，但唔係地獄 128kbps ，係一般限速 Plan 嘅 384kbps。用開 CMHK 限速 Plan 都知，佢地寫就 384kbps，實際 500kbps，加上無寫唔比 Tethering，呢個堅係真無限。最特別係你想提升速度嘅話，係月內都可以隨時 $20 / 0.5GB 嘅價錢加買高速 Data，最多可以加多 5GB ＝ $200。
▲ CMHK 呢個「DATA＋」先係中學生與大專生到推行，本來 $48 add on 嘅月費也豁免了。Click 入圖片，會有詳細官方介紹。
▲ csl 嘅 $98 / 2.5GB 計劃，只係俾中小學生申請，無大專生分。Click 入圖片，會有詳細官方介紹。
▲ 3HK 最近狂推 $126 (已包行政費) 有 5GB 最高 21Mbps 嘅 3G 數據計劃，但爆左 Data 得番 128kbps，地獄速度。Click 入圖片，會有詳細官方介紹。
睇了之後，大家覺得 CMHK 嘅學生 Plan 抵，csl 嘅中學生 Plan 定係 3HK 嘅 21mbps 3G Plan 抵玩？大家齊齊俾下意見。