抵過對手一倍！網絡商推最平 6GB 純數據 Plan！

左定坤 (Cho Ting Kwan) 2017-10-17 14:53 | 中國移動香港

一個網絡商「搶客戰」，令到手機上網 Plan 變得愈來愈便宜，就連曾經停用一時的真‧無限數據計劃，亦因而復活了，四大網絡商劃一價做緊 $288 - $298 月費，就可以無限全速任用數據，比以前抵玩了不少。而之前提到，有網絡商更推出 HKBN 毀約轉台回贈優惠，最平 $142 就可以玩無限上網，想知點玩，可以參考返之前的文章。不過，始終並不是所有網友都需要用到無限數據，低用量有低用量的玩法，就好似中國移動香港最新推出的「4.5G 全速本地流動數據服務計劃」，更平絕網絡商，比對手便宜超過一倍！睇下文啦！



呢個「4.5G 全速本地流動數據服務計劃」，跟之前 $138 / 6GB Plan 不同的是，呢個計劃是不包括通話分鐘，亦即係只係 for 純上網用，而呢個 Plan 可以作甚麼用途呢? 既可以放入平板電腦用，或者如果你用緊雙卡手機的話，亦可以上網用呢個 Plan，另外去鴨記搵張便宜的純打電話儲值卡，咁樣都可以幫你慳到不少金錢。

CMHK 「4.5G 全速本地流動數據服務計劃」最低用量為 6GB，月費由 $118 起，如果以純上網 Plan 來說，CMHK 呢個 Plan 相比對手 3HK 以及 SmarTone 便宜超過一倍之多，算是近期比較平價的上台數據 Plan。從下表中可以同大家比較一下：
 

	CMHK	SmarTone	3HK
6GB	$118	$316	$278
合約期	24	12	24

▲ 因為各網絡商有的數據用量都不同，所以版主會針對 6GB 計劃來比較。可以見到 CMHK 只要簽 24 個月合約，就可以 $118 享 6GB 數據。而同樣要簽 24 個月的 3HK，6GB 計劃已經講緊 $278，已經貴 CMHK 一倍有多。至於 SmarTone 雖然只需簽 12 個月合約，但價錢上就差不多貴 CMHK 168%。另外 CMHK 還有一個值得考慮的賣點，就是首 6 個月無合約，用落覺得唔抵的話，頭半年內隨時 Cut 即可。



當然，如果想平玩上網，唔想上台都仲有不少更超值的方法，就係儲值卡，好似 csl. Hemat 卡咁，$88 可以玩到一個月最多 30GB 3.6Mbps 4G 數據 (每個月 15 號開 Plan，可以玩盡 30GB)，而 SUN Mobile 最新推出的 Flex Mobile 儲值卡，比 Hemat 卡貴 $18，但就包埋 1000 通話分鐘，呢啲都係上台以外抵玩的方法。當然市面上值得玩的儲值卡仲有不少，好似 Kabayan 等等，最好嘅就係唔使簽約。你又會選擇上台，抑或考慮儲值卡呢?

最抵 PrePaid SIM 儲值卡天書

CMHK Kabayan 卡巴仁新玩法！$55 高速 4G 無限上網
又係 CMHK Kabayan! 上網 Plan 又減價，最平 $45 4G 無限上網
玩盡 csl Hemat! 版主教你 $78 30GB 4G 高速無限上網
儲值卡啟動網絡商大戰！csl. 改 15GB FUP 上限！Hemat $88 無限上網