CMHK 新 5G SIM 主打中國、澳門共用數據
最近 CMHK 推出咗一張全新嘅月卡，張卡叫做「5G 易出行數據卡」，有 30 日 2GB 以及 30 日 5GB 兩個選擇，網購價分別為 $39 以及 $69，包中國內地以及澳門共用 5G 數據，只要一卡在手，無論你幾時北上定係過大海，都唔需要再特登買 SIM 卡，聽落好似係幾方便，而且加 $9 仲可以有 20 分鐘中國大陸以及澳門通話分鐘，用嚟叫車等用途最為適合。不過，呢張儲值卡係唔係真抵玩，就真係見仁見智，版主平時用開 SoSIM，一次過買一年 Plan，$138 有 10GB 內地 / 澳門 / 台灣數據，平均每 GB 都只係 $13.8，而用完數據之後要加購，都不過係 $10 1GB，計起上嚟好似點都比起 CMHK 呢張抵玩啲，唔知網友又覺得係唔係呢？
