CMHK 都有企業員工 Plan！200GB 5G 本地 Plan 最抵？
最近上去 CMHK 網站，留意到原來佢哋都有企業員工專屬上台優惠，只要你係任何行業 / 企業嘅員工，並持有員工證明，例如卡片、名牌、員工證等等，申請指定 5G 服務計劃，就可以享有 $20 / 月折扣優惠，其中包括有 50GB、200GB 以及 300GB 三個 Plan 選擇，基本月費分別為 $129、$179 以及 $379。雖然看上去 50GB Plan 最抵，但就性價比來說，我認為 200GB Plan 先係最抵玩。首先既然 50GB Plan 只係 $129，加多 50GB 就有多幾倍 5G 數據，咁呢兩個計劃一比之下，我個人係會選擇 200GB Plan。而再比較 200GB 同 300GB Plan，300GB Plan 月費比 200GB 貴超過 1 倍，但只係多 100GB，就這兩個 Plan 嚟講，我都係覺得 200GB 抵玩得多。
200GB $179 係咪已經最抵？未算。留意細則，簽約 24 個月，佢除咗送額外 3GB 中國內地及澳門數據之，而且仲送 38888 MyLink 積分，MyLink 積分可以用嚟兌換繳費券，用來交月費時扣減月費用，38888 MyLink 積分，即係最多可以用嚟扣減 $388 月費，計起上來平均月費只需 $162.8，而且仲會免每月 $18 行政費。
5G 一咭兩地計劃都有優惠
除咗本地 5G 數據之外，佢哋仲有 5G 一咭兩地服務計劃，企業 Plan 有 50GB 同埋 100GB 兩個選擇，其中 50GB Plan 月費 $159，同樣送 38888 MyLink 積分，扣減優惠之後，即係平均月費 $142.8，送中國內地號碼或者「關聯家鄉號」增值服務 (二選一)。而 100GB Plan 月費則為 $279，送 38888 MyLink 積分，扣除優惠後，平均月費為 $262.8。版主自己早前都上台用緊呢個 5G 一咭兩號 50GB Plan，當時版主就經街站上台，都係月費 $159 但就無送 MyLink 積分，但最近版主行過一啲街站八過，就話而家有限時新春優惠，都會送 38888 MyLink 積分，而且仲可以免多一個月月費，變相比企業 Plan 平多少少，大家如果想上台，都可以去留意一下。
講真，除非你係學生哥或者退休人士，如果唔係大部分公司，相信都唔難有員工證明，所以呢個 Plan 上台門檻一啲都唔高，你又會唔會考慮 Join 呢個企業員工 Plan 呢？
按這裡立即上台企業專屬 5G 月費計劃