相對 CMHK、3 香港，SmarTone 嘅網店唔係好吸引，好多大舖減緊價嘅手機，佢地都用原價賣，想像唔到有乜理由要係佢地網站買手機囉？不過咁，佢地耐不耐都有隱世優惠，隱世意思係，佢地未必大力推廣 (大力推廣個D, 又唔係好抵，$88 限速無限上網 Plan 就係，不如街霸直接減價，按呢到知詳情)。呢期佢地有三部機在優惠減價中，包括了三星、LG、HTC！
▲ 先講講 Samsung。三星呢排谷「屈機」C 系，點屈機法，我哋有專稿講解過 (按此了解更多) 。其實另一個 A 系列，其實都好「屈機」，但當中嘅 A8，就沒有了 2016 版本，所以 Samsung 今次減價嘅，就係 Samsung Galaxy A8！呢部 A8 規格唔差嘅，佢跟「屈機」王 C7 一樣，用上 5.7 吋 S-AMOLED Full HD 屏幕，都係同款嘅 F1.9 大光圈 1600 萬像素相機，只係前置鏡頭稍低，變為 500 萬像素，都係用上纖薄金屬機身設計 (邊框)。當然，C7 用新一代 S625 CPU、4GB RAM + 64GB ROM，比起 A8 S615 CPU、2GB RAM + 16GB ROM 會差一點，但價錢都差千三蚊喎！不過咁，A8 真係幾舊，係 ePrice 記錄上面，上市已超過一年，最平 3 仔試過限時限量減過至 $1598，所以 $1980 呢個價，未算最抵。
▲ 講到抵？LG G4 應算係，呢部機，係大舖仲做緊 $2998 嘅時候，SmarTone 幫忙清貨減一千，比起初推出陣，更直降三千七! LG 嘅機幾「屈機」我真係唔駛多講，都唔想多介紹。只係 G4 嘅壞底板事件，可能另大家卻步就是了。SmarTone 網店上面，LG G4 有三款顏色揀 ( 只有啡、灰、紅) ，另外，佢地只賣單 SIM 卡版，單 SIM 卡版支援更多 LTE 頻段，若你有去非中國大陸嘅需要 G4 可能比較合適。
▲ 版主之前講過 csl 已唔賣 HTC 手機，外間反應好大 (Click 呢到睇埋網友 Comment) 。不過，SmarTone 無咁做，幾款係網店賣緊嘅手機，都用貴過大型連銷店嘅售價賣緊。不過，佢地開幕嘅頭炮，減 HTC One A9，又出動，今次都係減到 $1980。不過，今次只係減 16GB ROM ＋2GB RAM 版本。與 Samsung Galaxy A8 相比，若果你唔介意佢只係 5 吋芒機，我一定會叫你揀 HTC One A9，因為佢完美示範了 Android 6.0 係新一代 Qualcomm CPU (S617) 下，點樣做到慳電嘅效果，大家還記得 Andrew 嘅 2150mAH 電，怎樣擊倒 3000mAH 電手機嘅電池效能。由 HTC One A9 起，打後好多機都好慳電了! HTC One A9 跟本係一部示範作。讚得太多了! HTC One A9 16GB 版本賣 $1980 抵唔抵？ 早前版主行過場，細舖都做緊 $2298，所以 $1980 係呢一刻都叫最平，問題好多網友，應好介意佢得 2GB RAM。
SmarTone 網店，按呢到
![[圖集 + Hands On ] 三千中搶 iPhone? 錯! 係 HTC One A9](http://img.eprice.com.hk/img/news_hk/15116/large.jpg)
