ATM 說的並不是櫃員機，而是關係到 HKBN 未來發展的三大範疇：
A - A/xDSL 寬頻 村屋有寬頻
首先第一步，HKBN 得悉現時很多村屋住戶仍然要忍受 A/xDSL 的緩慢網速以及高月費，有見及此宣佈在未來 12 個月內，將會針對村屋使用寬頻的問題，加快拓展光纖網絡覆蓋至五萬戶村屋，以極具競爭力的光纖寬頻及四合一服務組合，擴展村屋市場，搶 HKT 的村屋客。
T - 家居電話 新科技新收費
根據香港電訊 2017 中期業績簡報顯示，現時 HKT 提供約 140 萬條電話線，而 HKBN 認為他們的家居電話服務收費更具競爭力，並且放風表示，未來在家居電話方法，將會有突破的新技術。具體新技術是甚麼，會唔會係增加平安鐘服務，抑或學 SmarTone 咁搞無線固網服務？HKBN 表示預計將會在未來幾星期內會講。M - 流動通訊 搶客搶到 HKT 職員
關於 HKBN 的流動通訊服務，相信大家都不會陌生，而版主昨日亦都已經爆料俾大家知，HKBN 將會推出更有彈性的真無限數據 Plan，每月月費低至 $218。不過，原來版主昨日講的，未係完全版，仲有後續：如果你係 HKT 的員工，憑員工證上台更可額外減 $50 月費，即係最平 $168，就可以享用這個服務計劃。今次 HKBN 開名講明話要搶 HKT 客，擺明就係向 HKT 宣戰，關於呢兩間公司之間的「大戰」，網友又支持邊一方呢？