同 GlocalMe Wi-Fi 蛋公司有關？
開始講有咩爆料之前，首先大家要了解一下，到底香港優克網絡技術有限公司 (英文叫 uCloudlink)，係一間點樣的公司。其實原本版主都唔知係公司，但後來上佢哋官網搵過資料，發現原來呢間公司，係同著名 Wi-Fi 蛋公司 GlocalMe 有關，準確點地說，優克網絡就是 GlocalMe 的母公司。之前 HKBN 就出過一個新 offer - 上台送 10 日 GlocalMe G3 Pocket Wi-Fi，可供用戶在全球各地上網。因為有呢個「前科」，所以 HKBN 今次聯合 TVB 搞發佈會，不難估計係同漫遊 + myTV SUPER 有關，原本猜測可能出個新 Plan，租 HKBN Wi-Fi 蛋全球任睇 myTV SUPER 之類，不過結果原來係......
$198 月費，包 5GB 全球數據，再送 GlocalMe 手機
版主收到風，HKBN 聽日會出一個新 Plan，月費 $198 送價值 $2500 的 GlocalMe 手機一部，扣除機價每個月約 $94，仲包 10GB 數據，當中有 5GB 係 for 本地用的，而另外果 5GB，則是 for 全球 65 個國家用的。唔單止係咁，如果登記仲送埋 24 個月 MyTV anywhere 應用程式，同 myTV SUPER 不同的是，myTV SUPER只係香港用，而 MyTV anywhere 則係可以全球大部份地區，都睇到 TVB 的節目。如果 HKBN 同平時一樣，上台送埋 myTV SUPER，就可以無論喺香港定外地都有得睇。不過係咪咁正，就見仁見智，好似版主平時都好少睇電視，點會無啦啦去到外國特登睇 TVB 節目呢？咁呢個優惠對我來說，或者就作用不大了。至於上面提及GlocalMe 手機係乜嚟？其實你可以當佢係有通訊功能的 Wi-Fi 蛋，呢部手機在今年 MWC 大會都出現過，透過專利 Cloud SIM 技術，毋須更換 SIM 卡或者啟動漫遊數據，都可以在全球各地使用數據。再說，平時去旅行，Wi-Fi 蛋又要租，又要還，好麻煩，而家 HKBN 上台送埋俾你，係咪又會方便好多呢？
圖片來源：KKNews
圖片來源：MashDigi。要注意的是，GlocalMe 手機最多只可同時支援 5 部裝置連線。