唔知大家知唔知，其實網絡商申請流動號碼，都需要向 OFCA 通訊局申請。就好似 6370-0000 至 6399-9999 呢個 Range，就俾香港電訊 HKT 霸咗，又好似 6480-0000 至 6489-9999 呢個 Range，就俾 CMHK 霸咗。但當電話冧把唔夠用的時候，就係時候要申請新的號碼，而號碼延伸至 7 字頭，搶先使用的是自由鳥。
1) 自由鳥目前可用的 7 字頭號碼，範圍係由 7071-0000 至 7075-9999。簡單來說，全部都是 707 開頭。
▲ OFCA 資料表示，7071-0000 至 7075-9999 呢個 Range，係俾數碼通申請咗，亦即係自由鳥母公司。同時可以發現，自由鳥是目前唯一有 7 字頭號碼的網絡商。(7 字頭本來係傳呼機用的)
2) 想要 7 字頭的手機號碼，其實可以申請俾 $90 申請自由鳥一個月，因為自由鳥係無合約、又毋須行政費，所以一個月帶埋號碼轉台，是可以的，當然，你用得開心咪留底囉。
3) 不過都有一點要注意，版主向自由鳥方面查詢過，WhatsApp 暫時仲未識認到 7 字頭的電話號碼...... 即係有一段時間，呢個新號碼係不能申請 WhatsApp。
如何申請 7 字頭號碼?
上面已提過，可以俾最平 $90 上台一個月，之後想轉台，完全無問題。而要申請自由鳥月費計劃，可以跟住以下步驟：1. 按這裡進入自由鳥 Mobile 頁面，然後按「立即上台」
2. 選擇合適的 Plan，有 5GB 同 7GB 俾你選擇，月費分別為 $90 和 $120，7GB Plan 可以在貓頭鷹時間任用數據。
3. 選擇「我想揀一個新號碼」
4. 佢會隨機派 3 個電話號碼俾你，好彩的話一開波就派到 7 字頭電話。不過唔好彩的話，就可能要不斷 refresh，睇下幾時中到 7 字頭號碼。版主一般 refresh 十幾次，就刷到個 7 字頭號碼。
5. 然後你就要輸入返你嘅個人資料。填妥好之後，佢會要求你核對多次資料，以作確認，並且需要用「簽個名」，以示已經明白細則，同接受合約。
5. 最後，按「信用卡付款」登記返你的信用卡資料。
6. 完。
