之前版主 Keith 介紹的，是 $238「SmarTone 5G 家居寬頻」，5G 速度每月有 200GB 用量，用爆之後進入 FUP，優先次序會有調整，但仍然可以享用不限速無限上網。如今都是一樣月費 $238，但最大的不同是，之前他們就力推華為 CPE Pro，但由 8 月 15 日開始，加多一個選擇：ZTE MC801A。
中興 ZTE MC801A 跟華為 CPE Pro 最大分別有三個，首先是 MC801A 採用跟非華為旗艫手機一樣的 Qualcomm X55 5G Modem，跟數碼通採用的愛立信 5G 網絡最兼容。另外，MC801A 除了支援高速嘅 n78 (3500) 頻段，亦支援 n1 (2100) 頻段，即時將呢個服務，由本來 5000 大廈變為全港 9 成樓大廈，即係大部份用家都可用。不過，ZTE MC801A 賣價比起華為 CPE Pro 都要貴，令預繳費用都貴咗。
出 Plan 用 ZTE MC801A，要預繳費用就比之前 CPE Pro 貴，因為本身部 ZTE MC801A 機價就相比 CPE Pro 還要貴。預繳費用會分 24 個月在月費扣回 (每月月費扣回 $90，即 $148)。
| 計劃名字：SmarTone 5G 家居寬頻 - 月費：HK$238 (已包行政費) - 用量：5G 速度每月 200GB 用量，用爆後進入 FUP ，不限速無限上網 - 送器材：ZTE MC801A - 24 個月合約 - 需預繳 $2160(機價) + $238 首月正價月費 |
不過因為它是一個家居寬頻 Plan，送的 ZTE MC801A 因為要插電，都是要在家中用，不能帶出街。不過在上台時 Sales 都是會先同大家查清楚是否真的有覆蓋，大家大可放心，毋須擔心 Join 了但用不了。
另外，版主 Keith 上次提及有政界 KOL 潘焯鴻搶先用客仔身份採用呢個服務，但結果似乎佢唔係好滿意，大家可以睇睇佢嘅 Video Comment。
最後，提提大家，這個 Plan 只有街站才有得申請。而唔滿意，其實有七日回水期，有需要嘅話，大家可以試下試，係伏可以學潘焯鴻咁，七日內退番出去都可以。
