數碼通推「核實來電碼」防假冒客服
為打擊「假冒客服」，數碼通為保障客戶，及早洞悉潛在詐騙風險 (當然怕被騙徒假冒係數碼通客服啦～)，率先在全港推出「核實來電碼」，幫助客戶識別及核實數碼通來電職員身份。有時咁啱你係用緊數碼通，遇到有冒認客服打嚟，就可能會一個唔小心中伏。而數碼通「核實來電碼」使用方法相當簡單：
001: 如果對來電嘅數碼通職員身份感到懷疑，可以即時要求對方發送「核實來電碼」，驗證職員身份。
002: 「核實來電碼」只會透過 SmarTone CARE App 或 SmarTone 官方短訊發送帳戶「#SmarTone」傳送，並包含一組一次性 4 位數驗證碼。
003: 客戶只需核對職員讀出嘅 4 位數驗證碼，就可即時確認 SmarTone 職員身份，免墮詐騙陷阱。
你可能會問，咁如果我唔係 SmarTone 客戶，但咁啱收到一啲 Sales 或者 Cold Call 電話，咁又係咪都可以用呢個方法去驗證對方客服真偽呢？答案係可以！一樣可以叫佢 send 返個「#SmarTone」SMS 畀你！呢個方法，我覺得都幾實用，強烈要求各大公司都效法一下，唔知網友又點睇呢？