熱門演唱會 / 體育比賽場地網速測試
我哋今次就揀咗四個地點，共七個唔同位置，同大家進行四大網絡商嘅網速測試，當中包括最新大型活動場地西沙 Go Park 內三個唔同位置、西九文化區內 Wonderland 舞台、中環海濱活動空間內兩個唔同位置以及維多利亞公園，呢啲地方都係平時會有搞演唱會或者體育賽事嘅場地，意味住每當有活動，呢啲地方就會爆多人，而全靠小編曾經有分享過嘅「秘密武器」，可以令到人多嘅時候，都可以唔會塞車，令上網更加快速順暢！測試結果
第一站：西沙 Go Park
分享測速結果之前，都想同大家介紹一下西沙 Go Park 係乜嚟。佢係最新嘅本地大型綜合發展項目，總面積有 30 萬平方呎，唔單止有住宅、商場，仲有休閒同運動體肓設施，而且 Go Park 內嘅「創夢館」，更加係一個可以容納過千人嘅室內運動場及演唱會場地，就好似韓國流行搖滾樂團 FTIsland 9 月就喺呢度舉行過演唱會，另外10月更加會舉行《世界運動會香港巡迴賽 2024 》！而且商場對出仲有一個佔地 100 萬呎嘅 Go Park Sports 戶外體育公園，有齊網球場、足球場等設施，啱哂一眾體育愛好者前往享受運動嘅樂趣。
值得一提，SmarTone 係最早喺西沙 Go Park 建網嘅網絡商，5G網絡速度以佢最突出。
▲ 用於演唱會舉辦場地嘅「創夢館」，可以容納高達 1500 人，可以見到 SmarTone 下載速度有 393 Mbps，而上載速度則為 70.4 Mbps，速度拋離對手。
▲ 去睇演唱會，有時早到等緊，可能都會行陣街，食下嘢，而等緊途中都有機會需要上下網，有時無聊又會睇下片先，而 SmarTone 去到室外，下載速度有 429 Mbps，而上傳速度則有 98.2 Mbps，你可以見到好明顯速度遠遠拋離對手一大截！
▲ 唔單止 Go Park 有一個睇演唱會嘅場地，佢同時亦有一個好大嘅戶外體育公園，可以進行唔同類型嘅體育比賽，其他對手連 100Mbps 關口都未衝得破，但 SmarTone 下載速度已經去到 482Mbps，上載速度 103Mbps！
第二站：西九文化區內 Wonderland 舞台 (故宮博物館附近)
▲ 西九文化區入面有個 Wonderland 舞台，位於故宮博物館北面，佔地 14 萬平方呎，同樣都係一個平時會舉辦演唱會或者音樂節嘅地方，好似之前就舉辦過WATERBOMB 音樂節。係度SmarTone 網絡表現繼續領先，喺上下載速度上，依然比起其他網絡商快，表現唔錯。
第三站：中環海濱活動空間
數到香港現時的戶外演唱會場地，中環海濱絕對係其中一個熱門地點。為咗令嚟睇show嘅用戶上網可以更快更爽，有網絡商就特別加設微型基站，收到嘅訊號會更強，上網速度亦會更快，而且多咗微型基站，亦可以畀到更多人去使用，變相去到爆多人嘅時間，都有足夠網絡容量，睇睇實際效果係點：
▲ 無論係中環海濱活動空間嘅周圍，定係演唱會場地入口，有加設微型基站的SmarTone 網絡，表現都係保持領先！有接近 500Mbps 嘅下載速度，睇show要打卡或者上載Reels，都可以更順更爽，唔驚會網絡塞車！
第四站：維多利亞公園游泳池
▲ 維園可以做到啲乜，相信唔使小編介紹，大家都好熟悉，好似新年嗰陣就會有年宵，而平時有時都會舉辦一啲嘉年華，吸引網友放假無事做嘅時候去玩。而游泳池更係一個可以舉辦大型本地及國際賽事嘅室內泳池，SmarTone 5G表現仍然最突出，上載超過 100Mbps。
SmarTone 5G 實際應用
同大家分享過 Speedtest 上載、下載數字，速度快代表咗啲乜？咪代表咗當你去以上所講嘅地方，去睇演唱會或者大型體育賽事，使用需要用到 5G 網絡嘅應用，例如 Upload 4K 影片、打機、開 Live 等等，表現都會比起其他網絡商快！而小編都喺以上嘅地點，進行咗一些實際應用，睇下佢個實際表現又如何！
▲ 位於 Go Park「創夢館」入面，串流睇 4K 影片，相當流暢，就算中間係咁前後飛，buffering 時間都相當短，幾乎係即時就可以跳到你想睇嘅部分。
▲ 同樣係位於 Go Park「創夢館」入面，你去睇演唱會，有時可能都會想拍下一啲片段，Upload 上去 Instagram 、Facebook又或者YouTube 打卡 show off 下，而當我上傳一條大約 20 秒左右嘅 4K 30fps 影片上去YouTube，10 秒都唔使已經完成上載步驟，真係相當快速！
▲ 玩呢隻 Disney 賽車 Game 嘅時候，SmarTone 網絡相當順暢，無乜延誤情況，打機贏定輸真係除咗睇你實力，網絡速度嘅實力，都係好重要！
▲ 睇活動或者展覽，唔少網友都會開住直播同Friend分享，實測用SmarTone 5G開IG Live，效果都相當流暢，唔會因為網速不足而窒機起哂格，解決晒睇Show睇展覽同網絡使用有關嘅煩惱！
小結
睇演唱會係香港人常見嘅活動之一，去到人多嘅地方，無一間好嘅網絡商支持，真係分分鐘網都上唔到，Load 空氣，尤其是好似西沙 Go Park 呢啲新地標，上唔到網睇Show都未必盡興。實測 SmarTone係幾個熱門活動舉辦地點的5G表現都勝過對手，而一系列實際應用，好似直播、睇片、打機、Upload 4K 影片等等，都有十分順暢嘅表現，真心抵讚！尤其係港九新界唔同地點，5G體驗都有好一致嘅流暢體驗，呢一點唔係個個網絡商都做得到！資料由客戶提供