假冒網絡商員工，女大學生慘被騙 920 萬！電訊商推「核實來電碼」保障客戶

管理員 2025-01-18 13:19 | 數碼通

香港詐騙案件愈來愈多，而騙徒的手法層出不同，就好似最近就有單案件，就話有一個 18 歲內地來港女大學生，上年 11 月收到一個騙徒電話，就呃佢話自己係某網絡商員工，聲稱呢個女仔涉及內地洗黑錢案件，而之後又有另一個電話打嚟，就話自己係上海公安局官員，要佢轉帳保證金證明清白，就係咁，呢個女仔就咁畀人呃咗成 920 萬，聽到都覺得好肉赤。事實上，想減低「假冒客服」中招風險，唔係無辦法，SmarTone去年已經推出一些措施，幫助客戶識別及核實員工身份，減低客戶中招嘅風險。想知詳情，睇下文啦！

SmarTone「核實來電碼」助你免受「假冒客服」詐騙風險

「假冒客服」係一個好常見嘅詐騙手法，好多騙徒都會假冒各大品牌嘅客戶服務人員，誘使受害者轉帳從而騙取金錢。而 SmarTone 為咗保障客戶，去年已經推出咗「核實來電碼」，幫助客戶識別及核實 SmarTone 來電職員身份，選免誤墮電騙陷阱，SmarTone 客戶就可以有更大嘅保障。

SmarTone「核實來電碼」使用方法好簡單，客戶如果對來電嘅 SmarTone 職員身份感到懷疑，可以即時要求對方發送「核實來電碼」驗證職員身份。「核實來電碼」只會透過 SmarTone CARE App 或者 SmarTone 官方短訊發送帳戶「#SmarTone」傳送，並包含一組一次性嘅 4 位數驗證碼。
客戶可以要求職員讀出4 位驗證碼去核實身份，只要能夠成功讀出驗證碼，就知道佢真係SmarTone職員；但相反如果佢聲稱係職員，但又無法讀出驗證碼嘅話，就知道佢係騙徒，要加倍小心免墮電騙陷阱！
 
SmarTone 呢一招真係可以保障到客戶，非常貼心同埋實用。再返轉頭講返今次中招被呃錢嘅內地來港女大學生，如果有類似的「核實來電碼」呢個功能，佢就可以唔會咁容易中招，仲要畀人呃咗 920 萬咁多啦！想保障自己，記得注意啦！