早兩日版主 Keith 介紹 11 月新機的時候，已經簡單介紹過呢部 BlackBerry Dtek60，如果大家對上次 Dtek50 中階規格無興趣的話，今次 Dtek60 會有旗艦級規格，網友又會唔會考慮呢？Dtek60 具有 5.5 吋 2K AMOLED 屏幕，配備 S820 四核心處理器，內置 4GB RAM 以及 32GB ROM (32GB 似乎並唔係咁夠用!？)，用上 2100 萬像素主鏡頭，光圈值有 F2.0，而前置鏡頭則有 800 萬像素。另外，Dtek60 亦支持指紋辨識，並預載 Android 6.0 作業系統。
老實講，呢個規格雖然都叫做旗艦，但已經屬於相對過時的級數，而家最新嘅旗艦，一般已經係講緊 S821 + 6GB RAM。配備 S820 U + 4GB RAM 的 Dtek60，又賣幾錢呢？版主收到風，Dtek60 將於 11 月 10 日正式香港開賣，建議零售價為 $4488，當然，預計大舖開賣之後，會有「一出即減」優惠吧？不過唔好期待會減好多，呢個價錢，網友覺得能唔能夠接受呢？