）。除了版主教過的 Prepaid 無限上網方案外，又會唔會考慮多用 Wi-Fi 呢？版主最近找到一個終極 Wi-Fi 平玩方案，只要你去深水埗鴨寮街 ，花 $20 買一張儲值卡，就可以同時買到一個 PCCW Wi-Fi 任用戶口。版主計過，呢 $20 可以讓你至少半年有 PCCW Wi-Fi 任用，包括手機、電腦、平板，計起上來每月 $3 都唔駛，跟免費無大分別了。 
港鐵有熱點！PCCW Wi-Fi 最方便
香港的 Wi-Fi 網絡供應商，主要分為兩大陣營：PCCW 及 Y5Zone。PCCW 提供的 Wi-Fi 服務，主要給予 Netvigator 寬頻上網用戶、PCCW-HKT 手機用戶及中國移動香港手機用戶。Y5Zone 主要跟手機網絡商合作，包括 3 香港、數碼通、CSL；HKBN 及 3 香港寬頻的用家，也用到 Y5zone Wi-Fi 熱點 (HKBN 及 3 香港本身亦有自家 Wi-Fi 熱點）。Y5zone 的 Wi-Fi 熱點主要有麥當勞、星巴克、各大專院校及部份商場。而 PCCW 的 WiFi 熱點，官方說全港有 13000 個，包括大部份電話亭、OK 及 7-11 便利店，仲有 Starbucks 及 Pacific Coffee。對於版主黎講， PCCW Wi-Fi 最大既賣點就係地鐵站也用得到，畢竟我主要坐的交通工具是地鐵啊
。所以，若果真的要付費，用到 PCCW WiFi 會好一點呢。
PCCW-HKT 儲值卡 新套裝全包 WiFi
若果你本身係 PCCW-HKT 手機台用戶，其實已送了 PCCW-WiFi 戶口。中國移動香港 4G 月費用戶，也有得用 PCCW Wi-Fi 只是連入的 SSID 網點不同。其他手機台用戶，就要付費了。PCCW WiFi 很多不同收費，若果你小心連入去，他們會叫你申請 Daypass，每日 $20 任用。不過，你只要買圖中的 PCCW-HKT 3G 儲值卡，WiFi 就送了給你，只要儲值卡有效，你就用得用。
▲ 呢張卡，原價 $48，裡面足 $48，每月收 $2.5 行政費。若果你係深水埗鴨寮街 SIM 檔買卡，$20 有交易，仲有電話 Number 比你揀。點樣找深水埗鴨寮街 SIM 檔? 之前版主講解儲值卡漫遊最抵方案有提及過。
▲ 點樣用？插入手機，按 #110# 就會啟動。本身卡套已有電話號碼及密碼，就是你本身 Login ID 及密碼。$48 儲值額，你可以用來打電話、3G 上網、打 IDD...。此卡身有效期至 8 月 15 日，若你不增值，這個 $20 免費 WiFi 戶口，就可以用到當天。假設你 2 月 15 日才買這卡，就用到半年，每月 3 蚊，無限 Wi-Fi 勁好用。下圖有更多用法 Tips 跟大家分享。
▲ 現在，CSL、數碼通、中國移動香港、PCCW-HKT 的 4G 月費計劃，也用了 Wi-Fi 任用。但若果你只係偶然上網，或係用限速 Plan，我們今次教的 Wi-Fi 方案，是最便宜又方便的選擇。
▲ 版主教你一個，只需入一次 Login 及 Password 一了百了的 PCCW WiFi 方便玩法。只要你連入 PCCW1x 的 SSID，按中間張圖輸入資料，EAP Method 揀 PEAP，Phase 2 揀 MSCHAPV2，Idenitiy 輸你的儲值卡電話號碼再@peap.pccwmobile.com，password 就係卡上的密碼。只需做一次，以後連入 PCCW1x SSID 就不用再輸入密碼。這也是 PCCW 的 Auto Login 功能，超方便啦。
中國移動香港 2G SIM 卡，Facebook、WhatsApp 手機用
若果你想手機也同時用到上網，版主之前介紹過版主講過的中國移動香港 CMHK 2G 儲值卡就最好不過。呢張卡係深水埗鴨寮街 SIM 檔長賣長有，最平 $20 有一張，裡面有 $48 面值。你可以選擇開通 $38 / 30 日手機無限上網，也已包括了 PCCW-HKT WiFi 戶口，但 SSID 會由 PCCW 或 PCCW1x 變為「 CMCC 」 ，接收範圍和 PCCW 一樣廣，Wi-Fi 上網速度最高 6Mbps。不過，大家要記住，手機上網只支援 2G GSM，上網速度你預大約 30 － 100kbps 左右，適合 Facebook、WhatsApp 等應用，
▲ 大家認住呢張卡，真係平到好盡的一張上網卡，當然 2G 速度亦真係好慢。門市價 $48，但深水埗鴨寮街 SIM 檔最平賣 $20。不過，要好平用的話，你要每個月都要去買一張新卡，否則收費會變了 $38，有點貴了。
▲ CMHK 儲值卡用家可以去 Google Play Store 下載 Wi-Fi Connection Apps ，只要一連入「CMCC」SSID 網點，會自動登入，版主用過幾日覺得連接得幾順。
▲ 之前 HKBN 推出 Wi-Fi 月費服務，單機月費 $18 ，4 機同時登入月費 $28 ，一來使用 Y5zone 熱點比 PCCW WiFi 少，二來比起版主介紹的終極 WiFi 方案，貴好多，版主不建議使用。