）。就算唔係上 Facebook ，旅行可以 Whatsapp 、上 Google Maps 查地圖都有好大幫助，真係可以講得上係旅行必須品！不過今年網絡商給月費客戶的漫遊 Day Pass 又加價啦， 即係外地漫遊上網費又加一截! 有乜野方法可以平少少咁旅行漫遊上網？版主有計，今次教你最平漫遊儲值卡方案! 
深水埗買 SIM: 打折是常識
上次版主 Keith 提到， 3 香港和 CSL 的漫遊日費在 2014 年加價，國際漫遊費去到 $200 一日，去五日旅行就用足 $1,000 ，未必人人都負擔得起。如果用儲值卡玩漫遊日費，係可以平好多。在芸芸網絡商的儲值卡，又只有 3HK 提供儲值卡漫遊日費計劃。你要買的話，不要去3 香港門市，最好去深水埗鴨寮街走一趟，因為好多 SIM 卡都有打折，版主找到最平的 3 香港儲值卡，是原價的六三折，係深水埗入手買卡，平好多。
▲ 深水埗鴨寮街的地檔，除了賣電器，有不少賣 SIM 卡的，版主推介你在港䥫站 C 出口，向公共洗手間方向往下行，靠左有幾檔賣 SIM 卡的，價錢比較便宜。不過，SIM 卡價錢好海鮮價，間間不同，版主報價也只是找出最便宜方案，網友可以睇多幾間，再格下價。
歐洲必備：「Network III」 SIM 卡
版主介紹呢張叫「Network III」的 SIM 卡，你在 3 香港網搵唔到，係 3 香港本身的副線產品，面值多樣化，版主推介你買一張面值 $600 儲值卡，但深水埗 SIM 檔只賣 $360 ~ $380 左右，計起上來，六三折就買得到。呢張 SIM 卡，支援 3 香港儲值卡日費數據漫遊，每日收費 $168 就可以在同一個外國地方，無限 3G 上網。用完三日仲有 $96 儲值額，儲值多 $10 仲可以漫遊多日大陸 (大陸日費數據漫遊再平一點，收費 $98，稍後再詳細介紹)，計掂數可以將個儲值額用得好盡
。 3 香港儲值卡日費數據漫遊，係歐洲幾個大國家：英國、瑞典、丹麥、意大利、奧地利等地都用得到。 例子：去英國玩
3 香港上台用家 : $198 x 3 ＝$594 (三日外地上網收費) ，平均 $198 一日!Network III 儲值卡: $360 (面值$600) = $168 x 3 (三日外地上網收費) ，平均 $120 一日!
小結：儲值卡方案，每日慳 $78，三日共慳 $234，夠坐程機鐵去機場了。
▲ 儲值卡再配合漫遊日費的旅行上網方案有乜好處？其實就係彈性就夠大！儲值額唔需要一次用完，可以留番下次旅行用（但要留意儲值卡有效日期是半年）。一落機就可以即刻上網，用 Skype、用 LINE 報平安，再唔係立即 Check 下有乜機場交通，都唔錯。（上次版主係去 Abu Dhabi ，酒店附近就只有法拉利車場、清真寺同埋沙漠…唔通搭百幾蚊的士出去買當地 SIM 卡咩…
）
▲ 溫馨提示：3 香港儲值卡支援的漫遊日費數據計劃的地區，不及月費客多；此外，就係請大家在離開香港前，先把 SIM 啟動及開啟相關服務，版主經驗，咁樣會用得順暢好多。 按這裡知更多資料。
澳門漫遊必備 : 紅色版 3 香港國際漫遊循環儲值卡 (深水埗價值版本)
新年打算近近地去澳門？版主又有性價比高 SIM 卡推薦！認住下面呢張紅色既 3 香港國際漫遊循環儲值卡！呢張卡面額 $98 但入面係有住 $155 充值額，咁深水埗賣價係幾多錢？只係 $40 ~ $45 ，即係話用 3 折唔使既價錢就買到 ＄155 既 SIM 卡。如果計 3HK 門漫遊優惠價 $98 ，就可以用到一日仲有 $50 充值額，想用兩日就買張 $50 既增值卷入落去，唔使 $100 就玩到兩日無限上網。
▲認住呢張卡，3 香港門市都有，但要正價 $98，都係番深水埗執平貨最抵玩。
台灣必備 : 中國聯通跨境王
講開去台灣旅行，不少網友也懂在機場的「台灣大哥大」櫃位買當地 SIM 卡，版主試過，排隊等半個小時是常識。若果你想方便又平價，不如買張中國聯通出品的跨境王！呢張卡，唔係出名返大陸用架咩？最近他們新加了台灣數據漫遊日費 $68 任用當地 3G 網絡上網，比起 3HK 的同類收費 $168 平好多! 中國聯通跨境王是 Facebook Friendly，所謂的日費其實是由 $0.02/Kb 計起，即係若果你個日唔用，或用得好少，唔會收足 $68，真係抵玩喎。 跨境王原價 $120，但裡面只有 $66 面值，所以你不要在中國聯通門市或便利店買呀，因為深水埗 SIM 檔價，$68 就有。但因為 ＄66 不足付一日漫遊，你至少要加 $50，先好帶過台灣用呀。提一提，原來中國聯通跨境王台灣漫遊費比起中國移動香港與 3 香港專為亞太區漫遊的儲值卡，收費都要平，打番香港與接聽只係 $3 / 分鐘，致電當地更是 $1.5 / 分鐘，所以多了增值金額，用來打電話返香港也不錯呀。
▲ 中國聯通跨境王除了返大陸方便外，家陣連去台灣也是一個便宜之選。
中國漫遊 : 廣東省 3GB 上網
版主 Keith 成日試中國移動香港用家在大陸點樣 3G 上網，但要搵部 TD 手機，談何容易。多數用家會揀上面講過的中國聯通跨境王，深水埗價 $68，裡面有 $66 面值。你可以申請 Daypass 每日 $38，包 300MB 數據用量，若果你只係 Facebook 一下 (對，Facebook 通到架)，WhatsApp 與 LINE，300MB 一日好夠用。若果你上網上得勁，跨境王也有兩款只用來上網，沒有通話的數據卡，$299 九十日內用足 3GB、$129 三十日內用足 1GB。這兩款卡也是 Facebook Friendly，不過只限廣東省使用。
▲ 跨境王 $299 款式。
日本漫遊 : 向櫻花卡 Say No! 租 Pocket Wi-Fi、限速 SIM 太麻煩！
去行深水埗，都會見到有日本上網「櫻花卡」賣，價錢大約 $200 可以用到 7 日上網，計番每日大約唔使 $30！但係要留意，呢張由中國聯通推出既卡係上唔到 Facebook、睇唔到動新聞、當然上唔到高登 :P...如果打算旅行打卡、Upload 相既話可能就要放棄佢啦。而另一張香港人好鐘意既 B-Mobile 就要上網拍賣慢慢搵（因為上網訂要早 1~ 2 星期），租費都係大約 $30 一日左右。大家會留意到，在拍賣或者 Facebook Page 入面的限速 SIM 卡和 Pocket Wi-Fi 有不同制式，所謂的 4G LTE Pocket Wi-Fi是運行 WiMAX 制式，速度去不到香港人習慣的 100Mbps 下載，用起來大約只有 4~5 Mbps 的速度而已，而且 Pocket Wi-Fi 和 SIM 卡未必支援所有香港人常用的服務（例如動新聞），大家最好問清楚。
最後，最簡單日本漫遊上網方案係乜？就係用番文章上半部份的「Network III」方案，當然 $120 一日上網，你可能都覺得貴，但係香港買到，唔駛租租還還，唔駛預訂，用上覆蓋最好的 DoCoMo 網絡，方便程度一等一。加上，「Network III」儲值卡的數據漫遊，也用到 Wi-Fi 分享 Tethering，若幾個朋友去玩，用手機大家 Share 數據啦。
▲版主有朋友曾經在 Japansim 預約過上網卡，他說速度用來上載相片還可以，接收也不錯。他們很仔細的列出了 SIM 卡支援哪些服務，大家可以參考一下。
泡菜國必備: 聯通南韓 1GB SIM 卡！場價 $240 包 1GB 用量，用 7 日！包首爾無限 Wi-Fi
講起中國聯通的儲值卡，唔係每一款都上到 Facebook，但南韓呢款，就係 Facebook Friendly! 「7 日 3G 上網 Micro SIM 卡」原價 $299 ，但係深水埗 SIM 檔，當然有平價，大概用 $260 就可以入手啦。呢張卡包 7 日 1GB 既 3G 上網數據，另外係首爾亦可以任用 Olleh 既 Wi-Fi ，用盡 7 日既話平均每日 $37 左右，用來 Whatsapp/ Facebook 真係相當夠。
▲ 中國聯通的南韓卡都是代理 EverGreen Mobile 的 SIM 卡。另外有網友提過， 韓國 EverGreen Mobile 係香港也有訂購服務，再係當地領取。版主計過 Micro-SIM 卡要 $182 港幣、Nano SIM 要 $207 港幣，入面有 20000 KRW 儲值額，扣 16500 KRW 就可以用到 30 日既 1GB 數據＋ Wi-Fi ，餘額仲可以用黎打電話！除了網上訂之外亦可以在仁川機場、首爾站等地方買到。今次我們講的是香港攪得掂的方案，不過版主也歡迎網友，分享一下網絡預訂，當地取 SIM 的使用體驗吧!
網友們，有乜外地上網又平又正的 Tips? 不坊齊齊分享一下。