百老匯、衛訊、蘇寧統一「減 $1,400」！ HTC Butterfly 2 上場減幾多？
首先要同大家講既就係，來到九月大鋪的「買機即減」優惠沒有取消，甚至減價更多了！係之前百老匯係做緊「買 $5,000 減 $1,000」，今個月正式改為「買 $5,000 減 $1,400」；而之前都同大家提過衛訊變為了「買 $5,000 減 $1,400」，HTC One M8 減 $1,400 之後賣價 $4,198 ，比八月再平 $200！至於今日上場既新機 HTC Butterfly 2 ，版主問過百老匯、豐澤和蘇寧，店員都說暫時這部機做不到「即減優惠」，也就是要以原價 $5,498 去入手。不過如果想平買的話衛訊第一日開賣就已經做「即減 $800」，雖然就冇「即減 $1,400」咁多，但也在 $5,000 樓下了，與 HTC One M8 比貴 $500 左右，大家又覺得值唔值得入手呢？
想同大家講講，版主亦有同店員講開月底新機開賣，佢地預計新機上場頭 1~2 星期可以做到「即減」既機會唔大，就好似今次 HTC Butterfly 2 咁，應該做唔到上市「即減 $1,400」的優惠，不過他們亦未收到進一步消息，網友們仲會唔會等 Samsung Galaxy Note 4 或者 Sony Xperia Z3 呢？留言講講吧！
▲百老匯將「買 $5,000 減 $1,000 」變成了「買 $5,000 減 $1,400 」，幾部旗艦手機都減多了幾百！
▲ HTC One (M8) 在百老匯和衛訊都變了減 $1,400 ，現在用 $4,198 就可以入手，夠平未？
HTC Butterfly 2 相關文章：
九月上市 ! HTC Butterfly 2 防水 + 千三萬 Duo 鏡頭 + 中港台 4G千三萬完勝 UltraPixel ? HTC Butterfly 2 影相比拼 M8 、E8
版主東京第一手! HTC Butterfly 2 手感、跑分、防水測試
在文章發佈的時侯， HTC Butterfly 2 賣價 $4,698，按此看詳細規格和最新賣價。
在文章刊出的時侯， HTC One (M8) 賣價 $4,198 ，按此看詳細規格和最新賣價。
