Whatsapp 更新加入「雙藍剔」功能！無得關閉＝無法制止？
有網友形容今次 Whatsapp 更新「雙藍剔」係最可惡的一次更新，點解呢？其實佢係類似 Line 同埋 Facebook 入面的「已閱」標記，用家只要更新了 Facebook 就可以知道對方幾時睇過訊息，甚至連發送時間、收到時間、錄音的播放時間都紀錄在內，邊個睇完 Message 唔覆？一睇「雙藍剔」就知道。而呢個功能「可惡」既地方係邊度呢？而家 Whatsapp 入面 Last Online (最後上線時間）是可以選擇不顯示出來，不過「雙藍剔」在這一個版本是沒有方法取消，換句話說大家幾時讀過訊息係會比人知道，對於重視自己「私隱」的網友來說是一個惡夢吧？其實 Line 與 Facebook 一早就有這個功能，版主也比較習慣使用 Facebook ，感覺 Whatsapp 對我影響不算很大啊！
好啦，既然係新版本 Whatsapp 先有呢個功能，唔更新 Whatsapp 會唔會解決到問題？大家應該發現到即使不更新 Whatsapp 的話也可以見到「雙藍剔」，不過舊版 Whatsapp 就不能查看對看閱讀訊息的時間，更不更新其實沒有差別啊！當然，有網友話只要用 Android 上面的 Widget 功能去讀訊息就能「避過」雙藍剔，大家又會唔會試下用呢？版主覺得有點「掩耳盜鈴」啊，既然不想回覆，乾脆關掉手機更實際。
網友們又點睇 Whatsapp 這次的更新呢？對你影響算唔算大？會唔會考慮用其他 IM 去取代 Whatsapp？係下面留言講下吧！
▲ 有朋友認為 Facebook 比起 Line 更甚的是在群組可以知道哪一個人看了訊息，以後想「潛水」就更加難了
▲ Whatsapp 亦更新了自己的網站，講解「雙藍剔」的意思