官方證實 csl. 一早打通中國大陸 4G 網
早兩日有網友私訊版主，csl. 官網明明寫了 4G LTE 漫遊，包括中國地區，但又唔見佢地大事宣傳，到底是真是假？就此版主向 csl. 有關方面提問，得到以下答案：
1) csl 是否已打通了中國 4G LTE 數據漫遊
答：csl 已於 2014 年 9 月下旬與中國聯通開通中國 4G LTE 數據漫遊。
2) 如果是真，是用中國聯通的 4G FDD-LTE 定用 4G TDD-LTE 網絡呢？若果是 4G FDD-LTE，即係我用大部份香港買到的 4G 手機都得？
答: 中國聯通的 4G 網絡同時支援 4G FDD-LTE 及 4G TDD-LTE 系統，但覆蓋地區有所不同。4G TDD-LTE 系統支援2300 MHz (band 40) 及2500 MHz (band 41)之手機，覆蓋內地 56 個城市; 而 4G FDD-LTE 系統則支援 1800 MHz (band 3) 之手機，覆蓋內地 40 個城市。部分主要城市如北京、上海、成都、天津、廣州、深圳、東莞同時支援 4G FDD-LTE 及 4G TDD-LTE 之覆蓋。
唔駛轉機也可以
由官方答案，我地可以知道一件事，香港大部份買到的 4G LTE 手機，也支援 FDD-LTE Band 3 (1800) 頻段 (因為個個台都用，港鐵也是主要用 Band 3 作 4G LTE 覆蓋）。所以，你不必轉什麼五模 N 頻手機，也用到 csl. 與中國聯通的 4G LTE 漫遊。csl. 回覆亦提及中國聯通也有用 Band 41 與 Band 40 的 4G TD-LTE 頻段，支援手機多唔多？多的，中國大陸的水貨機，聯通版 4G 就係了。香港行貨呢？主要有 Nokia Lumia 638、HTC 由 One M8 打後，標榜支援中港 4G 的全部手機，如 One E8、Butterfly 2、Desire Eye 及 Desire 820、LG G3 Dual 及 Samsng Galaxy Note Edge、Note 4 dual、Grand Prime、A5 及 A3、華為 Ascend Mate 7 金色加強版等等。至於收唔到 4G 會跌入地獄速度嗎？由於中國聯通的 3G 跟香港一樣用 WCDMA 制式，速度跟香港 3G 差不多。簡單來說，你跟本不用再轉 4G 手機，一樣用到大陸 4G LTE 數據。收費如何：csl. 數據漫遊日費，每日 $198。比起中國移動香港 4G Pro 客戶的 5GB 中港數據共用，貴好多。不過，若果你係 csl. 客戶，至少用得到啦。
2014 漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本
最後最後，版主呢幾日分享漫遊上網的 Tips 及儲值卡消息，都以香港買到為出發點。我當然知落地買當地 SIM 會平好多，但始終要出左機場，等舖開，係好麻煩。若果大家有當地 SIM 推介，買旅遊 SIM 情報，歡迎分享。