一卡中、港、台、澳四地上網
近來不少人找中港 4G 手機，好似返大陸上網，要破 Google，用 FB，一定要轉五模 N 頻手機及轉用中國移動香港計劃。其實，中國聯通用 3G WCDMA 制式，上網速度拍得住香港 3G 網絡，只要透過漫遊或中國聯動香港出品，非「如意通」副品牌的儲值卡，一樣係大陸無禁忌上網，大家亦不用轉五模 N 頻手機。呢張 「大中華 30 日上網」卡，好合耐不耐返大陸，去台灣、過澳門、又要係香港上網的用家，因為收費跟香港 1GB 用量月費數相約，但唔收行政費，唔駛簽長約，仲可以係大中華四地上網。單係香港用，平過上台
中國聯通香港的「大中華 30 日上網」卡，香港用「3香港」網絡、澳門都係用「3」、台灣用「中華電信」、中國大陸用「中國聯通」，寫明速度最高 42Mbps，比起 「3香港」自家推出的儲值卡 14.4Mbps ，提供更高速度。30 日卡，代表呢 1GB 數據用量可用 30 日，同上台無大分別。呢張卡原價 $199，不過係官網賣緊 $149 (但官方 FB 寫 $147，我們用比較高的收費計算吧) 。呢個價好殺! 版主睇過，3 香港 1GB 純數據，月費係 $206 (已計行政費)！中國移動香港 1GB 純數據 $106 (已計行政費)，後者要簽 24 個月合約！中國移動香港呢個 Plan，可以返大陸上網，不過你又要換部五模 N 頻手機，唔想換，返大陸只能用 2G GSM上網，慢過龜。無錯，3 香港、中國移動香港個 Plan 用到香港 4G LTE，亦有 WiFi。不過， 一個月用 1GB，都算低用量，3G 都夠玩啦。WiFi 方面，之前版主 Eddie 介紹過，買張深水埗價 PCCW 儲值卡，$20 一張，夠你用半年免費 WiFi，送與唔送，唔係問題。
| 中國聯通 | CMHK | 3 香港 | |
| 名字 | 大中華 30 日上網 | 4G Pro 1GB 數據 | 4G LTE 上網1GB 數據 |
| 收費 合約 |
$149 (*) 儲值卡 |
$106 (#) 24 個月合約 |
$206 (#) 1個月合約 |
| 香港上網 (網絡) | 3G (3 香港) | 3G (PCCW) 4G (CMHK) |
3G (3 香港) 4G (3 香港) |
| 中國上網(網絡) | 3G (中國聯通 ) | 3G /4G (中國移動 ^) |
不適用 |
| 台灣上網(網絡) | 3G (中華電信) | 不適用 | 不適用 |
| 澳門上網(網絡) | 3G (3 澳門) | 不適用 | 不適用 |
| 用量 (使用日期) | 1GB (30 日) | 1GB (每月) | 1GB (每月) |
| 免費香港 WiFi | 不適用 | Csl. WiFi | Y5Zone |
(*) $149 收費跟據中國聯通香港官方網站報價，跟宣傳品刊出來的 $147 有別。「大中華 30 日上網」卡，支援增值，不過一定要上網用信用卡處理，＄150 包 30 日 1GB 用量，比起入卡價，只係貴 1 蚊。此卡原價為 $199。
(#) 已計算 6/1 後的 $18 行政費。
(^) 要使用 3G TD-SCDMA / 4G TD-LTE Band 38/39/40 手機才能使用，否則只能用到 2G GSM 上網