從工信部資料可見，樂視「超級手機」型號名為 X600 ，而係外觀上 X600 正面並無實體鍵，背部就有 LED 補光燈同一個「火山口」鏡頭，同年頭的傳聞脗合。根據資料， X600 推出時將會有灰/金/白三色可供選擇。
而係硬件規格方面，首先 X600 係一部支援中港 4G 的手機，係大陸 TD-LTE 頻段上，有齊 Band 38 (2600 CMCC)、Band 41 (2600 Unicom)、Band 40 (2300)、 Band 39 (1900) 。不過係香港 FDD-LTE 方面就只得 B1 (2100)、 B3 (1800)，情況同大家熟悉的魅藍 note 一樣，無左 Band 7 (2600)。係屏幕方面， X600 有 5.5 吋 FHD 芒，而處理器則相信係用上 MTK 嘅 MT6795 2.2GHz 八核心處理器搭配 2GB RAM 同 16GB 內置容量。相機方面就係 1300 萬像素主鏡頭同埋 500 萬像素前鏡頭。雖然電量有幾多暫時仍未知，但就知道 X600 將會預載 Android 5.0 。
▲ 呢張就係最近流出的疑似 X600 諜照，同工信部的圖片相比就唔太似樣了。
簡單來講，如果上述規格屬實的話，咁 Letv 進軍手機界的頭炮稱之為「超級」可能有點誇張，但都算係有頂級規格的。至於推出日期，版主就收到風係四月發佈的機會頗大！當然，價錢亦都係大家相當重視的一環，唔知大家又覺得呢部「超級手機」定價係幾多先會令你心動呢？一齊留言講下啦！
來源：tenaa 、 toutiao.com