首先簡介下 X600 所用的 MTK 嘅 MT6795 處理器先。大家唔好以為用 MTK 必定無料到呀，其實 MT6795 來頭不少，呢款真八核處理器除左支援 64Bit 同 2K 芒之外，亦支持超高清 (4K2K) 影片攝製及播放，處理器時脈最高 2.2GHz 。同樣傳聞會係大陸推出，外殻改用塑膠材質 HTC One E9 就好有可能使用呢個處理器。再講下今次文章重點跑分數據，根據安兔兔評測分數， X600 跑分有 50149 。超過五萬分成績其實都算唔錯，同 G Flex 2 以及 Nexus 6 屬於同一水平。睇完今次 X600 硬件資料，唔知大家又有無對 Letv 將會推出的「超級手機」更加期待呢？快啲留意分享下啦！
▲ 右邊的跑分軟件魯大師港人並唔常用，而安兔兔上 X600 的分數過 50000 ，比上年的旗艦好似係 Samsung 的 Galaxy Note 4 高。
來源：百姓家電網