今次傳出的消息指，本身搭載 5.5 吋 FHD 芒，而處理器上為 MT6795 2.2GHz 八核心搭配 2GB RAM 同 16GB 內置容量的 Letv 手機 X600 其實只係標準版規格。最近由「業內人士」所爆出的 Letv 手機「頂配版」係規格上會比 X600 強得多。除左有 2K 解像度屏幕之外， 處理器亦係 Qualcomm S810 配 4GB RAM ，相機都提升到 2100 萬像素。雖然大家都知呢類型的「爆料」十居其九都係吹水居多，不過今次爆料的「業內人士」仲提供左疑似係 Letv 手機頂配版的安兔兔跑分成績，分數上更達到有 63351 咁高！比起現時 S810 旗艦好似 LG G Flex 2 同埋 HTC One M9 平均五萬四千分高唔少。不過要注意，以上消息一來唔似得上次由「中國爆料達人」工信部爆出，同時亦未得到官方證實，大家都不宜太認真。最後，唔知大家又點睇呢部傳聞的 Letv 手機「頂配版」呢？留言分享下意見啦！
▲ 另外，Letv 的 CEO 亦係微博上暗示 Letv 手機可能會用上 USB Type-C 插口，而上圖係 Letv 手機概念圖。
來源：bbs.letv.com 、 toutiao.com