有關 Letv 的賣價資料由大陸微博用戶 @Ubuntu 團隊爆出。根據佢哋資料所講，原來 Letv 最終可能會推出三款樂視手機，分別係用上 2K 芒、 Qualcomm S810 配 4GB RAM ， 2100 萬像素相機的「頂配版」。以及 金屬機身＋ MTK MT6795 處理器配 2GB RAM 的「標準版」。同埋之前未有提及過，外型用上金屬邊框但係塑膠背蓋，而處理器就係略遜的 MTK MT6752 處理器（ 使用呢個處理器的例子有 魅藍 note 同 HTC Desire 820s ），價錢亦會較便宜的廉價版。根據今次爆料者資料，呢三款樂視手機定價分別會係：頂配版 2999 人仔（約為 $3750 港幣）、標準版 1999 人仔（約為 $2499 港幣）同埋廉價版的 999 人仔（約為 $1249 港幣）。不過，呢單新傳聞流出左之後，樂視的高層就即刻跳出來話 Letv 手機只賣 999 係唔可能發生嘅。所以到底 Letv 最後會出幾多款手機，同埋定價會係幾多就可能要等到發佈會時先知道了。假設今次爆料者資料屬實的話，唔知大家又覺得價錢是否在可接受範圍內呢？留言講講啦！
▲ 除左 Letv 手機賣價之外，大陸微博用戶 @Ubuntu 團隊 亦都流出左用上塑膠背蓋的 Letv 手機廉價版實機照，當中可以見到正面屏幕邊框相當窄，而背蓋就換上左塑膠材質，但到底是否真機就不得而知啦。
來源： 驅動之家 、 sohu.com