「核武卡」來由
除了版主會不時介紹各種儲值卡玩法，香港有幾個討論區都有師兄係咁玩卡，其中元祖人馬玩玩下仲賣埋卡。佢地暗啞底有一張話好鬼抵嘅 「核武卡」。「核武卡」有幾個特點：話音通話收費平，有個超值增值套餐，有好 Flexible 嘅上網計劃，連帶無限上網都係一百蚊樓下，仲要唔係 384kbps 個隻。賣緊 「核武卡」嘅討論區師兄，仲話可以幫人「MNP」帶 Number 過去「核武卡」。版主們一直以介紹平價本地及漫遊卡為主，賣 「核武卡」師兄，又唔係係 ePrice 開 Post，我只會專注介紹呢張跌落凡間嘅「核武卡」上網與賣價部份。你唔係要 MNP 帶 Number 過去「核武卡」嘅話，去深水埗都搵到，至於深水埗嘅「核武卡」係咪等於抵玩，等版主計下吧。
▲ 核武卡其中一個賣點，就係有一個 $98 三十日任用上網，仲要唔係 384kbps 係 3G 3.6Mbps。呢個 Plan 本來係圖中外傭儲值卡先至有。你唔係唔可以買，但係你有勇氣去幫親相關以外傭為對像嘅舖頭。今次深水埗有嘅「核武卡」，SIM 檔有售，唔駛煩。
又係 Network III
「核武卡」意思係此卡一出，全部平價上網及話音卡都收皮。而真身係 Network III (Click 呢到有解釋乜叫 Network III) 推出專外傭而設嘅儲值卡，再改出來。以前你要用呢張卡嘅賣點 $98 / 30 日上網，一係你要好大膽去菲、印為對像嘅舖頭買卡，一係你幫親討論區嘅師兄。可能有番咁上下反應，代理就將呢張卡，跌落凡間去到深水埗桂林街。「核武卡」跌入深水埗，係呢篇分享文刊登個陣，只有「四眼哥哥」個檔先有，仲一反常態，企硬面值 $135，一蚊都唔減。$135 面值，其實分為兩部份。主 SIM 卡只值 $15，另外 $120 是一張 Network III 增值券。呢張劵，先係重點！因為只要用佢增值，除了令 $15 SIM 卡加多 $120 變成 $135，更會即時送 $40 及 200 分鐘通話時間 (送六個月)，係呢三十日使用。呢 $40 有特別用途，就係用來扣 $98 / 30 日數據計劃。呢個計劃，雖然係 3G 限速上網，但速度其實最高都俾你 3.6Mbps，其實也可以叫平常 3G 速度。 注意，呢張卡開卡後及每月都會扣 $2.5 行政費。
計完一輪，$135 卡價，做到兩個月上網，平均每月 $67.5，每月有 200 分鐘通話，而卡面寫 $58，其實係簡單將 $98 - $40 回贈，問題係四眼哥哥對呢張卡，一蚊都唔減，買卡玩兩個月，每個月成本的確要 $67.5。
計算表
第一個月$15 (SIM 卡價) - $2.5 (行政費) + $120 (增值卡) ＋$40 (獎賞只限用係 $98 / 30 數據計劃) - $98 = $74.5
第二個月
$74.5 (餘額) - $2.5 (行政費) + $40 (獎賞只限用係 $98 / 30 數據計劃) - $98 = $14
FUP 公平使用條款
呢個 Plan 無寫明一個月幾多 GB FUP，跟嘅公平使用條款係 「當你使用儲值咭下載、傳送或上載檔案過大、數量過多的數據，或過度頻密地下載、傳送或上載數據而為其他使用者帶來不便，3 香港將限制你的儲值咭的數據傳輸速度至不低於128kbps。」跟據之前版主試 Network III 嘅 3G 儲值卡，又真係用爆 5GB 都無限速，而跟據討論區師兄 Report，3 香港嘅 3G 儲值卡限速都係好飄突，一日用得太多，之後會限幾日速，但又會突然解限。不過，$98 / 30 日上網計劃係有限速，不過唔係 384kbps，係 3.6Mbps，呢個速度，版主試過睇 myTV 及 HKTV 嘅 720p 版都好順無問題。( 5 月 2 日更新：3 香港會係五月更新儲值卡的公平使用條款，上述講嘅公平使用條款會有變，變為每 30 日 5GB ，之後限速 128kbps 大家要留意了)
▲ 「核武卡」正名為 Network III 數據儲值卡。
▲ 由 SMS 嘅通知，寫明 $98 / 任用 / 30 日。而卡對面亦唔似得另一張 Network III 寫明幾多 GB FUP 公平使用計劃。
▲ $68 都覺得貴，或者跟本用唔到咁多 Data。深水埗另一款 CSL Hemat 卡幫到你。$38 卡價及面值，開卡即送一個月 1GB 用量及六個月 200 分鐘通話時間，而第二個月，又可申請 $38 / 1GB 嘅計劃，即係 $38 兩個月上網同打電話，平均 $19 一個月! 速度：都係 3.6Mbps，係低用量至平之選。
小結：唔好問我點樣 MNP 帶 Number 轉台
坊間有師兄可以幫網 MNP 帶 Number 轉去 Network III 「核武卡」及圖中 Hemat 卡，但 ePrice 版主一直只係試用、分享，無賣卡。版主有好多儲值卡 Tips 跟大家分享，但我地唔賣卡，無轉介。唔好意思。2015 年 7 月 5 日更新：3 香港六月份更改了 FUP 公平使用條款，此卡無限上網已改為每月 3GB，用爆限速 128kbps。詳情請按此。
ePrice.HK 儲值卡分享與報導
1) 4G 限速，3G 提速! $115 42Mbps 速度 無限上網2) $58 / 1.8GB 用半年! 7-11 本地八達通儲值通話卡 平價上網
3) $50 4G LTE 無限一個月任用! 瘋狂試玩 CMHK 4G LiTE
4) $20 玩 30 日無限 Data＋ WiFi ！版主教路買平價儲值上網卡
5) 版主教你: 一蚊雞玩 WhatsApp ! 每月加 300 分鐘 $36 攪掂
6) One2Free 神卡 160 蚊 4G 無限上網
7) $180 4G 網絡無限上網來了! 不過要睇路呀!
漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本