目前有關 Letv 手機定價的傳聞可以話係眾說紛紜，不過當中有一個共通點，就係 Letv 好有機會用返賣超級電視的策略，亦即係「硬件＋服務費」。根據目前資料，將會發佈的三款樂視手機之中，定價最平會係人仔 1499 。而用上支援 64Bit 的 MTK 2.2GHz Helio X10 處理器（又稱 MT6795 ）， 5.5 吋 FHD 芒， 2GB RAM 同埋 16GB 內置容量同埋 1300 萬像素主鏡頭的其中一個版本 Letv 超級手機相信會係定價人仔 2499 的中階版。最後用上 Qualcomm S810 的高配版定價就要人仔 3999 。除左以上的傳聞硬件價錢之外，用家可能亦需要支付人仔 490 樂視 VIP 服務費。如果今次定價資料屬實而且係香港發售時價錢不變的話，咁超級手機高配版賣價可能會高達 $5026 （再加 $615 服務費即係約 $5641 港幣）。而最平版本就會係 $2499 港幣（連服務費）。不過版主就收到風，係香港推出時 Letv 的定價方式許會有所不同，至於到時會係平左定貴左，大家就要拭目以待啦！
▲ 另外，之前就同大家分享過 Letv 手機傳聞會用上超窄邊框設計（即係內文第一張圖），不過近日又有人係微博爆出新的實機照。可以見到雖然係外型上同大家之前見到的實機照相似，但係邊框卻無之前咁窄，到底實機係點嘅樣都係留待發佈會睇真機好了。
來源：搜狐科技 、 網易數碼