預告一：行貨香港有份
中國大陸有不同嘅手機品牌，但幾多個會係香港有行貨賣？據知 Letv 樂視手機會係其中一個。今次係北京發佈會，Letv 請了香港媒體及網絡達人代表接近三十人，其中包括了某著名手機代理高層，相信他們合作機會好大。而 Letv 早已係香港請了專門負責手機部份嘅業務人員，要知道就算賣得最勁嘅某品牌，係香港都係零工作人員嘅，香港有人有辦公室，又有代理賣機，至少規模好一點吧。至於幾時有機賣呢？版主收到風，都唔會比中國大陸遲太多嘅。預告二：上下午都有發佈會
Letv 今次發佈會，係今日14/4 早上十點開始， 去到下午四點! 嘩，需要咁長吧? 其實發佈會係一分為二：上年十點時段主要講有關 Letv 電視內部份及策略，怎樣跟未來手機業務配合。而下午兩點先係大家網友關心嘅手機實體部份！所以大家就要留意下午 ePrice 嘅直播啦。
爆點一：無邊框
其實係呢排，主 Lawrence 都分享過不少關於 Letv 樂視手機嘅傳聞，有點都可以好肯定：今次樂視會一次過發佈三款手機：高、中、低檔。大家重點睇嘅高檔手機，傳聞會係以接近無邊框嘅設計出場。無邊框屏幕，其實不是什麼新聞，但實機賣街，除了 Sharp，暫時未有，而國牌更加只有 Concept ，未有實機!爆點二：快過 Sony
快過 Sony 什麼？傳聞 Letv 手機會快過 Sony Xperia Z4 宣佈採用全新 Sony Exmor R Sensor : IMX230。呢粒 Z4 應該會用嘅感光元件，可以拍出二千一百萬像素相片，呢粒 堆棧式 CMOS，最大賣點係支援 192 點相位檢測自動對焦（有利於準確捕捉快速移動的物體）。除此之外，IMX230 感光元件，令手機，係 4K 錄影加入了 HDR 功能，令係光差大嘅環境也拍到好好嘅 4K 錄像。Letv 樂視超級手機發佈及早前的傳聞
向 Apple Say No ! Letv 超級手機專用介面 EUI Mobile
無邊框芒 ＋ Sony 新鏡頭! Letv 樂視超級手機今日發佈
高層微博自爆 Letv 零邊框 X900 再度曝光
買手機，交會費! 樂視手機 機價外又有節目費?
賣價曝光？大陸網民爆料 Letv 樂視手機最平一千人仔有找
傳 Letv 手機另有「頂配版」！規格效能完勝一眾旗艦
S810 旗艦級數！樂視 Letv 手機跑分數據曝光
LeMobile 正式啟動！樂視用創意＋服務打出新手機市場